Salmos 146:4 - Tayta Diosninchi Isquirbichishan

⁴ Paycunaga wañushpan cashgan allpamanmi ticran. Ima-aycata rurananpaj yarpashancunapis chay junajllami ushacanga.

Salmos 146:4 ပူးပေါင်းရင်းမြစ်များ

Génesis 2:7

Chaypitana Tayta Diosga runata ruraran allpapita. Nircur senganpa pücaran cawayta gallaycunanpaj. Chaura runa cawaytana gallaycuran.

Génesis 3:19

Micunayquipäpis cangapaj südashayquiyaj aruptiquirämi. Chayno aruycällarmi wañunquipaj allpaman ticranayquicama. Allpapitami rurasha cashcanquipis. Chaymi cashgan allpaman cutinquipaj.»

Génesis 6:17

Nogami tamyachimushaj dilubyu tamyata. Chay dilubyu tamyaptinmi llapan puntacunata ñitinanyaj yacu juntanga. Allpa janancho cawaj cajcunaga intëru munducho shengaypa ushajpaj wañongapaj.

Job 14:10

Runami ichanga imaypis mana cutimunanpäna wañucun. Wañorga ¿maymantaj chayan?

Job 14:21

Wamrancuna alliman chayaptinpis wañucoj runaga manami musyannachu. Wamrancuna mana alliman chayaptinpis wañucoj runaga manami tantiyannachu.

Job 17:1

«Jämaynëpis ushacaycannami. Wañuypis janächönami. Pampacunäpaj sepultürapis caycannami.

Job 17:11

Manapis aycällatanami wañucushaj. Imata rurayta yarpashäpis, munashäpis manami camacannachu.

Job 27:3

Cawaycänäpaj pay callpata gomashancamaga

Salmos 104:29

Ticracurcuptiquega paycuna mancharinmi. Jämayninta shuntacurcuptiquega wañushpan allpamanna ticracurin.

Salmos 33:10

Tayta Diosmi mana camacächinchu payta mana rispitajcuna imata rurayta munaptinpis.

Salmos 90:3

«Runacuna allpaman ticrachun» niptiquega runacunapis allpamanmi ticran.

Eclesiastés 12:7

Chaypitaga allpapita rurasha cuerpuyquega yapay ticranga allpamanna imaypis cashanno cananpaj. Almallayquinami cutenga Tayta Dios cajman. Paymi goshurayquipis.

Eclesiastés 9:6

Wañuycuptinmi ushacan cuyacoj cashan, chiqui cashanpis, ima munashanpis. Ushacarnaga cay pachacho manami imatapis rurannachu.

Isaías 2:22

Runacunamanga amana yäracuynachu. Runaga manami aycäpis bälinchu. Runaga cawanpis jämayta cacharcuynöllami.

Lamentaciones 4:20

Tayta Dios acrashan raytapis prësumi charisha. Paymi noganchïtaga cawaycächimaranchi. Chay raypämi nogacuna nej cä: «Paypa munayninchömi tiyashun nasyuncunapa chaupincho» nir.

Daniel 5:23

Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

1 Corintios 2:6

Rasunpana Jesucristuman yäracusha cajcunatami ichanga Tayta Diosninchi yachashanta yachachë. Pay yachashanga manami cay pachacho runacunapa yachayninchu ni mandajcunapa yachayninpischu. Cay pachacho mandajcunaga ushacajllami caycan.