Salmos 143:8 - Tayta Diosninchi Isquirbichishan

⁸ Nogaga gammanmi yäracamö. Chaymi musyachimay tutapaga cuyamashayquita. Nogaga imata yarpashätapis gamtami willapä. Chaymi tantiyaycachimay imano goyänäpäpis.

Salmos 143:8 ပူးပေါင်းရင်းမြစ်များ

Salmos 119:34

Tantiyachimay yachachimashayquicunata mana gonganäpaj. Llapan shongöpami wiyacuyta munä.

Salmos 119:73

Quiquiquimi ruramashpayqui formacächimarayqui. Yarpayta goycamay ari mandamintuyquicunata yachacunäpaj.

Salmos 143:10

Tantiyachimay gam munashayquino cawanäpaj. Gammi Tayta Diosnë canqui. Espirituyqui yanapämächun ari allillata ruranäpaj.

Salmos 25:20

Paycunapitaga salbaycamay ari. Ama camacaycachiychu pengaycho canätaga. Gamman yäracaycämuptëga ama camacaycachiychu wañuchimänanta.

Salmos 27:11

Tayta Dios, alli näniquita ricachimay. Chiquimajcuna ricapaycämaptin alli cajpa pushamay.

Salmos 30:5

Payga rätullami rabyan. Alli cayninmi ichanga imaypis mana ushacanchu. Chacaypa wagashpanchïpis tutapaga cushicushunnami.

Salmos 32:8

Tayta Diosga caynömi nin: «Gamtaga manami gongashayquichu. Nogami tantiyachishayquipaj. Nogami willapäshayquipaj. Imano goyänayquipäpis yachachishayquipaj.

Salmos 42:8

Chaymi cawachimaj Tayta Dios gamta mañacamö. Mañacö cuyamar junajpa ricamänayquipaj, chacaypana cantar alabanäpaj.

Salmos 46:5

Tayta Dios waran-waran chaycho captinmi mana cuyucongachu. Paymi chararanga.

Salmos 5:8

Tayta Dios, allillapa pushamay ari alli shongu cashayquimanno. Man'chäga chiquimajcunami mana allita ruramanga. Munashayquino cawanäpaj yanapaycamay ari.

Salmos 59:16

Nogami ichanga cada tuta gamta alabashpä cantashaj. Munayniyoj cuyacoj cashayquitami willacushaj sinchi gaparayparaj. Gammi cashcanqui imapitapis chapämaj; llaquicur ñacaycashä öra pacacunä.

Salmos 86:4

Tayta Dios, gamtami mañacaycämö. Gamta sirbiycaptëga cushicaycachimay ari.

Salmos 90:14

Pacha warashan öraga cuyamashayquita musyachimay. Chaura cawashäcama cushisha alabashayqui.

Isaías 30:21

Alli ruraycashayquipita wac-läman u cay-läman tunejnöpis llutanman chayajno captiqui, guepayquipitami gayacamushunquipaj. Chaymi nishunquipaj «Caypami näniga. Cay alli nänipa aywayga» nir.

Isaías 48:17

Gam Israelcunapa Santo Tayta Diosniquimi, salbashojniquimi cayno nin: «Nogami cä Tayta Diosniqui. Nogami yachachë gamcunapaj alli cajta. Nogami pushaycä munashä nänipa aywanayquipaj.

Lamentaciones 3:41

Syëlucho caycaj Tayta Diostaga llapan shongunchïwan, maquinchïta chojpacur mañacushun.

Oseas 6:3

Tayta Diosman cutishun ari. Cutiptinchëga Tayta Diosmi noganchïman shamongapaj. Inti waran-waran yagamushannöpis Payga rasunpami shamonga. Jachacuna chillguinan wichan, waytanan wichan imaypis tamya tamyashanno rasunpami shamonga.

Jueces 13:12

Manoaga tapuran: «Willamashayquino captin ¿imanötaj wamrataga uywashaj? ¿Imatataj rurashaj?» nir.

1 Samuel 23:12

Yapay David tapucuran: «¿Keila runacunaga nogata llapan yan'gämajcunatawan Saulpa maquinmanchu entregaycamanga?» Chaura Tayta Dios niran: «Au. Saulpa maquinmanmi entregaycushunquipaj.»