Salmos 141:2 - Tayta Diosninchi Isquirbichishan

² Mañacamushäga gam cajman chayamuchun insinsuno. Maquëta jogariraycämushäna cachun tardipa apamushä ofrendano.

Salmos 141:2 ပူးပေါင်းရင်းမြစ်များ

Apocalipsis 5:8

Chasquircuptinmi ñaupancho caj chuscu anjil-nirajcuna, ishcay chunca chuscu (24) mayur runacunapis ñaupanman gongurpaycuran. Paycunaga llapanmi arpanwan caycaran. Goripita rurasha bäsuncunachöpis insinsuta charaycaran. Chay insinsu caran Tayta Diosman yäracojcuna mañacushanmi.

1 Timoteo 2:8

Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Daniel 9:21

Chayno mañacuycaptëmi suyñuynëchu ricashä anjil Gabriel päriypa shamuran noga caycashä cajman. Chay öraga caran Tayta Diospaj tardipa ofrendata churay öranöna.

Salmos 134:2

Maquiquita rispitädu wasin cajman jogarcur Tayta Diosta alabay.

Salmos 63:4

Cawashäyäga alabaycäshayquimi. Mañacushpäpis gamllamanmi maquëta jogarimushaj.

Salmos 28:2

Mañacamuptë yanapaycamay ari. Rispitädu tiyanayquiman maquëta jogarir mañacamuptë wiyaycamay ari.

Salmos 5:3

Tutallapita-pachami busnëta wiyaycanqui. Chaca-chacallanami ruwacaycämö. Cananga shuyaraycä yanapämänayquipämi.

Esdras 9:4

Juc-läman apashanpita cutimojcunapa juchanpita Israelcuna rispitashan Tayta Dios castigananta manchacojcunaga llapanpis nogano ruraran. Nogaga jinalla fiyupa llaquicur jamaraycarä tardipa Tayta Diospaj uywata pishtanan öracama.

Éxodo 29:39

Jucta tutapa rupachinqui. Jucajtana tardi inti yagay öra rupachinqui.

Hechos 3:1

Juc junaj las-tresnöna caycaptin Pedruwan Juanga imaypis aywanyashanno aywaran Templuman Tayta Diosta mañacunanpaj.

1 Reyes 18:36

Tayta Diospaj rupachinan öra chayamuptin Tayta Diospa profëtan Eliasga altarcho aycha caycajpa ñaupanman witiycur sinchipa mañacuran: «¡Abrahampa, Isaacpa, Israelpa Tayta Diosnin: Canan musyacächun Israelpa Diosnin cashayqui, noga sirbishojniqui cashä, cachamaptiqui llapan caycunatapis ruraycashä!

Números 16:35

Tayta Diosga ninawan ruparachiran ishcay pachac pichga chuncan (250) insinsuta saumachej runacunatapis.

Éxodo 35:15

insinsuta rupachir goshtachina altartapis wintucunantinta, alli asyaj asëtita, alli asyaj insinsuta, tolduman yaycunata chaparaj tëlata,