Salmos 140:10 - Tayta Diosninchi Isquirbichishan

¹⁰ Paycunaman shicwamuchun shansha. Paycunataga uchcucunaman wiñarpärichun imaypis manana llojshimunanpaj.

Salmos 140:10 ပူးပေါင်းရင်းမြစ်များ

Génesis 19:24

Chayraj Tayta Diosga tamyachimuran ratataycaj ninatawan asufrita Sodoma siudäman Gomorra siudäman. Chaynöpami ishcan siudächo nina ratariran.

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Salmos 120:4

Tayta Diosmi guërracho pillyajcuna illapanacushanno llauchi puntayoj nina rataycaj lëchawan illaparishunquipaj.

Salmos 21:9

Chayamushpayqui fiyucunataga llapantami rataycaj jurnuman gaycunquipaj. Tayta Diosnami rabyasha cashpan ninawan ushajpaj illgarachenga.

Salmos 55:23

Tayta Dios, wañuchicojcunawan llullacunaga pöcu timpulla cawachun. Amana chayachunnachu pullallanmanpis cawananpaj cajmanga. Gam camacaycachiy paycuna illajpita wañunanpaj. Nogami ichanga gamllaman yäracamö.

Salmos 64:9

Chayrämi Tayta Diosta llapan rispitanga. Tayta Dios imata rurashancunatapis willaconga. Tantiyaconga Tayta Dioslla llapantapis camacächishanta.

Salmos 7:17

Nogaga Tayta Diostami agradësicushaj alli arriglaj cashanpita. Janajcho caycaj Tayta Diostami alabansacunawan alabashaj.

Proverbios 28:10

Alli runacunata juchata rurananpaj pushajcunaga quiquinmi mana allita yarpaycashanman chayanga. Juchata mana rurajcunami ichanga alli cawayman chayanga.

Proverbios 28:17

Pitapis wañuchejcunaga gueshpi-gueshpillami wañunancamapis purenga. Chayno runapaga ama pipis faburnin cachunchu.

Mateo 13:42

Nircurnami ratataycaj ninaman gaycurenga. Chaychönami fiyupa ñacar, wagar quiruncunatapis uchongapaj.

Mateo 13:50

Juchata rurallar goyajcunataga nina rataycajmanmi garponga. Chaychömi fiyupa wagar quiruncunatapis uchongapaj.»

Apocalipsis 20:15

Libro de bïdacho jutincuna mana apuntaraj cajcunataga nina rataycaj gochamanmi gaycuriran.

Apocalipsis 21:8

Juchasapacunami ichanga nina gochaman aywanga. Chayga caycan guepa caj wañuymi. Chaymanmi aywanga mana wiyacamajcuna, mana yäracamajcuna, chiquicojcuna, wañuchicojcuna, majayoj caycar jucwan cacojcuna, brüjucuna, ïdulucunata adurajcuna, llullacojcunapis.»