Salmos 132:9 - Tayta Diosninchi Isquirbichishan

⁹ Cüracunaga allillatana rurachun. Wiyacushojcunana cushicuypita gaparpächun.

Salmos 132:9 ပူးပေါင်းရင်းမြစ်များ

2 Crónicas 6:41

«Tayta Dios, shamuy ari jamanayquipaj munayniyoj babulniqui caycashanman. Tayta Dios, sirbishoj cüracunaga salbacoj cashayquipita cushicuchun. Nishayquita rurajcunaga gam alli captiqui cushisha goyächun.

Job 29:14

Nogaga pitapis mana suwapaypami, allita ruraj cä. Chayno alli ruraynëga röpata jatirajnöpis waran-waran ruranämi caran.

Salmos 104:1

Llapan shongöpami Tayta Diosta alabashaj. Tayta Diosnillä gamga fiyupa munayniyojmi canqui. Gamga achicyaypa achicyaycaj röpashami caycanqui.

Salmos 132:16

Cürancunaga munashäno cumlishpan allita ruranga. Wiyacamajcunana cushicuypita gaparpanga.

Salmos 149:5

Tayta Diosta sirbejcunaga allicho llojshir cushicuy. Jamarpaycashayquichöpis cushicuypita cantay.

Salmos 47:1

Llapayqui runacuna, cushicushpayqui macshupäcuy. Tayta Diosta alabay.

Salmos 68:3

Allita rurajcuna ichanga cushicuchun. Diospa ñaupancho cushisha goyächun. ¡Cushicuypita pinticachächun!

Salmos 70:4

Gamman yäracamojcuna ichanga cushisha cachun. Gam salbanayquita munaycajcunaga imaypis «Tayta Diosga munayniyojmi» nir cushicuchun.

Salmos 93:1

¡Tayta Diosmi ray! ¡Tayta Diosga achicyaypa achicyaycaj röpashami caycan! Payga munayniyoj cayninwanmi fiyupa achicyacurcusha. Paymi cay mundutapis sumaj tacyachisha mana cuyucunanpaj.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 65:14

Sirbimajcunaga llapan shongunpa cushicurmi cantangapaj. Gamcunami ichanga fiyupa llaquicur ñacar waganquipaj.

Sofonías 3:14

¡Cantay Sión siudächo tiyajcuna! ¡Cushicuypita cantay Israelcuna! ¡Llapan shonguyquipa cushicuy Jerusalén runacuna!

Zacarías 9:9

«¡Fiyupa cushicuy Sión lömacho caycaj siudä! ¡Cushicuypita cantay Jerusalén siudä! Gamcunamanga allillata ruraj, llapanta binsej, umildi rayniquimi aywaycämun bürrullan muntasha. Cargacuna bürrupa wawan muntashami aywaycämun.

Romanos 13:14

Chaypa ruquenga Jesucristupa maquincho caway-llapa. Amana yarpachacuynachu shonguyqui munashanta ruranayquipäga.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»

Apocalipsis 19:8

Chay jipashtami lïnupita achicyaycachaycaj fïnu röpata jaticunanpaj camaripasha.» (Chay fïnu lïnu röpaga Tayta Diosman yäracojcuna allicunata rurashancunami caycan.)

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.