Salmos 13:4 - Tayta Diosninchi Isquirbichishan

⁴ Chayrämi chiquimajcunaga mana nengachu «binsishcämi» nir. Noga mana alliman chayaptëpis manami cushicongachu.

Salmos 13:4 ပူးပေါင်းရင်းမြစ်များ

Esdras 9:8

Chayno carcaycaptëpis gamga Tayta Diosnë fiyupa cuyapämashpayquimi wallcallatapis cachaycachimashcanqui rispitädu acrashayqui pachacho tiyachimänayquipaj. Gammi camacächishcanqui nogacunapaj pacha achicyacäcojno ricacunanpaj. Jucpa munaynincho caycajta cushicarcachimashcanqui.

Salmos 10:11

Fiyucunaga yarpan «Diosga pobricunata gongaycushami. Cäranta chapacurcur imaypis mana ricanchu» nir.

Salmos 112:6

Chaynöpami mana alliman mana chayanchu. Alli runataga imaypis yarparaycangami.

Salmos 25:2

Tayta Dios gammanmi yäracamö. Pengaycho canätaga ama camacächiychu. Chiquimajcunapis ama cushipämächunchu.

Salmos 35:19

Chiquimajcunaga ama cushicuchunnachu. Manacajpita chiquimajcuna ñipchipämänanta ama munaycuychu.

Salmos 35:25

Ama yarpächunchu ni rimachunpischu «Chayno canantami munaranchi» nir; «Fiyupa mana allimanmi chayachishcanchi» nir.

Salmos 38:16

Ichanga ruwacushayqui Tayta: Tuniptë-imaga ama camacächiychu nogata asipämänanta.

Salmos 55:22

Yarpachacaycächishushayquitaga Tayta Diospa maquinman cachaycuy. Paymi yanapäshunquipaj. Wiyacojcunataga Tayta Dios manami cachaycongapächu.

Salmos 62:2

Payllami salbaman y chapäman. Pay pacacunä captinmi ima mana allimanpis mana chayashächu.

Salmos 62:6

Payllami salbaman y chapäman. Pay pacacunä captinmi ima mana allimanpis mana chayashächu.

Salmos 9:19

Tayta Dios apuray ari. Ama camacächiychu fiyu runacuna alli-tucunantaga. ¡Mana rispitashojcunataga jusgay ari!

Proverbios 12:3

Llutanta rurajcunaga manami tacyangachu. Alli runacunami ichanga tacyanga.

Jeremías 1:19

Paycunaga gamwan pillyangapaj. Ichanga manami binsishunquipächu. Nogami chapäshayquipaj. Noga Tayta Diosmi chayno në.»

Lamentaciones 1:16

«Chaypitami fiyupa wagaycä. Ñawëchöpis weguillami juntasha caycan. Nogata shogamäga manami pipis canchu. Manami canchu yanapämänanpäpis. Wamräcunataga ushajpämi illgächisha. Chiquimajcunami binsiycamashpan wañuchisha.»

Josué 7:9

Cay particho tiyaycaj Cananeo runacuna musyaycärerga shuntacarcurmi shamonga usharamänanpaj. Chaura jutëcunapis gongacanganachari. Chayno captenga ¿imanöparaj runacuna musyanga llapanpaj munayniyoj cashayquita?»