Salmos 127:3 - Tayta Diosninchi Isquirbichishan

³ Wamranchïcunaga yurin Tayta Diosninchi alli bindisyunta gomaptinchïmi.

Salmos 127:3 ပူးပေါင်းရင်းမြစ်များ

Génesis 1:28

Nircur bindisyunta goran cayno nir: «Gamcuna miray aypallaman cay pachaman juntanayquicama. Munayniquicho cachun pescäducunapis, pärej cajcunapis, cay pachacho llapan cajcunapis.»

Génesis 24:60

Famillyanga Rebecata bindisyunta gor cayno niran: «Rebeca, wawayquicuna, willcayquicuna, chayno paycunapita mirajcunapis aypallaman mirar waranganpa-waranganpa caycullächun. Gampita mirajcunaga chiquejcunatapis llapanta binsichun.»

Génesis 33:5

Esaüga ricchacurishancho ricäriran warmicunatawan wamracunata. Chaura tapuran: «Caycunaga ¿picunataj?» nir. Tapuptin Jacob niran: «Tayta Dios tarichimashan wamräcunami callan tayta.»

Génesis 4:1

Chaypita Adanga warmin Evawan puñuran. Chaura Evaga gueshyaj ricacuran. Gueshyacushpan Eva niran: «Tayta Dios munayninpa ollgu wamrata tarishcä. Chaynöpami cay wamräpa jutin canga Caín.»

Génesis 48:4

cayno nimaran: ‹Gampitaga aypallamanmi mirachishaj. Gampita mirajcuna achca nasyun cananpämi camacächishaj. Gampita mirajcunatami cay partitapis goycushäpaj. Cay partichöga imaycamapis paycunami tiyangapaj› nir.

2 Samuel 3:5

Eglacho caj wamran caran Itream. Paypis caran Davidpa warminmi. Chaycunami Davidpa wamrancuna yuriran mayurpita shullcacama Hebroncho tiyaycaptin.

1 Crónicas 28:5

Tayta Diosga munasha wamräcuna achca canantami. Paycunapitanami acrasha wamrä Salomonta quiquin Tayta Dios acrashan Israelcunata mandananpaj.

1 Crónicas 8:40

Ulampa wamrancuna caran jinyu runacuna. Fiyupa yacharan lëcha jitayta. Paycunata yupaptin wamrancunawan willcancuna ollgu cajlla caran pachac pichga chuncan. Paycunaga caran Benjaminpita miraj.

Job 1:2

Wamrancuna caran quimsa warmi, ganchis ollgu.

Isaías 13:18

Mösucunatapis lëchawanmi wañurgärachenga. Manami cuyapangachu chayraj yurisha caycaj iticunatapis. Manami llaquipangachu jatullan wamracunatapis.

Isaías 8:18

Tayta Dios tarichimashan wamräcunawan nogaga Israelcuna musyananpaj señalmi caycäcuna. Chayno canäpäga camacächisha Sión lömacho goyaj munayniyoj Tayta Diosmi.

Deuteronomio 28:11

Unay awiluyquicunata aunishan nasyunman chayaptiqui Tayta Diosmi bindisyunninta churamonga wamrayquicuna achca cananpaj, uywayquicunapis achcaman mirananpaj.

Deuteronomio 28:4

Bindisyuntami churamonga wamrayquicunamanpis, micuyniquicunamanpis, wäcayqui uyshayqui mirajcunamanpis, waquin uywayquicunamanpis.

Jueces 12:9

Paypa wamran caran quimsa chunca (30) ollgu, quimsa chunca (30) warmi. Llapan wamrancunatapis majachacächiran juc-lä jäpa runacunallawan. Ibzanga Israelcunapa mandaj jueznin caran ganchis wata.

1 Samuel 1:27

Chay örami Tayta Diosta mañacurä wamrata. Mañacushäta wiyarmi wamrata tarichimasha.