Salmos 115:2 - Tayta Diosninchi Isquirbichishan

² Juc-lä nasyun runacunaga asipämar «¿maytaj Diosniqui?» nir tapuman.

Salmos 115:2 ပူးပေါင်းရင်းမြစ်များ

Salmos 42:10

Tullöcunata paquiycajnömi chiquimajcunaga imay örapis asiparcaycäman «¿Maytaj Diosniqui?» nir.

Salmos 42:11

Chauraga ¿imanirtaj yarpachacöman? ¿Imanirtaj llaquicöman? Tayta Diosmanmi yäracuycä. Payllatami alabaycäshäpis. Paymi Salbamaj Diosnëga.

Salmos 42:3

Ichanga pagasta junajtapis weguillänami micuynëpis. Chayno caycaptë imay örapis asipämashpan «¿Maytaj Diosniqui?» nir tapurcaycäman.

Salmos 42:4

Ñaupata goyashäpaj yarpärirmi fiyupa llaquicö. Yarpä aypalla runacunawan Tayta Diospa wasinman aywashäta. Pushaptë runacunaga aywaj fistacho cushicur Tayta Diosta alabananpaj.

Salmos 79:10

Mana yanapämaptiqui mana rispitashojcunaga «¿Maychötaj Diosniqui caycan?» nimangami. Gamta sirbishoj uywayniquicunata wañuchishanpita ayñita cutichishayquitami ricayta munä. Mana sirbishojcunapis musyachun gam castigashayquita.

Éxodo 32:12

Illgarachiptiquega Egiptucuna nenga: ‹Chunyaj jircacho wañuchinanpaj, cay pachapita illgächinanpaj yarpaypami Diosga caypita jorgusha› nir. Ama rabyacuychu ari. Juchata rurashanpita castiganayquipa ruquenga cuyapaycuy ari.

Joel 2:17

Tayta Diosta sirbejcunapis llojshimuchun. Paycunaga runsi altar ñaupanman ichichun. Nircur wagashpan Tayta Diosta mañacuchun cayno nir: «Tayta Dios, acrashayqui runacunataga perdunaycuy. Gampa cajta pipis manacajman churanantaga ama munaycuychu. Juc-lä nasyun runacuna munaynincho chararänantaga ama munaycuychu. Ama camacaycachiychu paycuna acrashayqui runacunata ‹¿Maytaj chay Diosniqui?› ninantaga.»