Salmos 113:9 - Tayta Diosninchi Isquirbichishan

⁹ Mana wawa tarej warmita cushicachin wawayoj cananpaj, wasincho cushishana tiyananpaj. ¡Aleluya! ¡Tayta Diosga alabasha cachun!

Salmos 113:9 ပူးပေါင်းရင်းမြစ်များ

Génesis 25:21

Rebecaga wamrata mana tariranchu. Chaymi Isaacga Tayta Diosta mañacuran warmin wawayoj cananpaj. Tayta Dios wiyaran Isaac ruwacushanta. Chaynöpami Rebecaga gueshyaj ricacuran.

2 Reyes 4:17

Chaypitanaga Eliseo nishannölla warmi gueshyaj ricacuran. Watanninpäga rasunpa gueshyacuran ollgu wamrata.

Salmos 68:6

Famillyaynajcunataga Tayta Dios yanapanmi juc pachacho tiyananpaj. Prësu caycajcunata jorgunmi. Nircur alliman churan. Mana wiyacoj fiyucunami ichanga chunyaj chaqui particho tiyanga.

Isaías 54:1

«Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Runan cachaycusha wawata mana tarej warmimi runayoj warmipita mas achca wawata tarenga.» Tayta Diosmi chayno nisha.

Números 5:28

Runanta warmi mana ganrachisha captin ichanga mana imanangapischu. Chay warmiga wamratapis tarenga.

Gálatas 4:27

Tayta Diosninchïpa palabranpis nin: «Imaypis wawata mana tarej warmi fiyupa cushicuy. Gam imaypis mana gueshyacoj warmi cushicuypita cantay. Chaynöga cushicuy runan cachaycusha warmi runayoj warmipita mas wawata tarishanpita.»

1 Samuel 2:5

Ñaupata rïcu cajcuna, cananga yanapäcun juc tantallapaj. Muchuycho cajcunami ichanga manana muchunnachu. Mana wawata tarej warmina ganchis cuti gueshyacusha. Achca wamrayojcunataga japallanna ricacunanpämi wamrancunata ushacächin.