Salmos 11:7 - Tayta Diosninchi Isquirbichishan

⁷ Tayta Diosga juchaynajmi. Chaymi allita ruraj runacunataga cuyan. ¡Allillata rurajcunaga Tayta Diostami ricanga!

Salmos 11:7 ပူးပေါင်းရင်းမြစ်များ

Job 36:7

Allillata ruraj runacunataga imapitapis simrimi chapan. Raycunawan goturänanpärämi camacächin. Paycunataga yanapan allilla mandananpämi.

Salmos 146:8

Tayta Diosga gapracunatapis allchacächinmi. Tayta Diosga jatarachinmi tunisha caycajcunata. Tayta Diosga cuyanmi alli runacunata.

Salmos 17:15

Nogami ichanga fiyupa cushicushäpaj juchaynaj car gamta ricar ñaupayquicho goyarna. Riccharcamur gampa ñaupayquicho ricacushpämi fiyupa cushicushaj.

Salmos 21:6

Imaycamapis alli cawananpämi bindisyunta goshcanqui. Gam yan'gaptiquimi fiyupa cushisha goyaycan.

Salmos 33:18

Tayta Diosga manami cachaycunchu payta rispitajcunataga, payman yäracojcunatapis.

Salmos 33:5

Tayta Diosga allita rurajtami, rasun cajta rurajtami cuyan. Payga cay pachacho cajta llapantami cuyan.

Salmos 34:15

Alli runacunataga Tayta Dios allimi rican. Mañacushancunatapis wiyanmi.

Salmos 37:28

Tayta Diosga cuyan allita rurajtami. Pay munashannölla cawajcunataga manami gonganchu. Juchasapacunatami ichanga illgächin. Chaynöpami paycunapaga wamrancunapis mana cangachu.

Salmos 42:5

¿Imapänataj yarpachacöman? ¿Imapänataj llaquicöman? Tayta Diosmanmi yäracuycä. Payllatami alabashäpis. Paymi Salbamaj Diosnëga.

Salmos 45:7

Alli cajtaga cuyanquimi, mana alli cajtaga chiquinquimi. Chaynöpami Tayta Dios acracushurayqui. Waquin yanasayquicunapitami acracushurayqui. Gamtaga sumaj cushicachishurayqui.

Salmos 45:8

Alli caj perfümi alli asyashannömi röpayquipis alli asyaycan. Cuyayllapaj marfilwan adurnasha palasyuyquichömi cushicachishunqui arpacunata tucapäshushpayqui.

Salmos 5:12

Tayta Dios munashayquita rurajcunataga bindisyuntami gonqui. Cuyapäcoj cashpayquimi chapacuna escüduno imapitapis chapanqui.

Salmos 7:11

Tayta Diosga alli arriglaj juezmi. Payga mana jananpaypami jucha rurajcunata imaypis jusgan.

Salmos 7:9

Juchaynaj Tayta Dios, gamga musyaycanquimi runa imano yarpaycashantapis. ¡Fiyu runacunataga illgächiyna ari! ¡Juchaynaj runata ichanga yanapaycuy ari!

Salmos 99:4

Gammi munayniyoj ray canqui Tayta Dios. Allita ruraj cajta cuyanqui. Gammi camacächishcanqui llapanpis iwal cananpaj. Israel runacuna caycashanchöga gammi alli cajta rasun cajta rurashcanqui.

Proverbios 15:9

Fiyu runacuna llutanta rurar goyashantaga Tayta Dios fiyupa melanäcunmi. Tayta Dios munashanno goyaj runacunatami ichanga cuyan.

Isaías 61:8

Chayga canga Tayta Dios cayno nishanpitami: «Nogaga alli rurajcunatami cuyä. Suwacunata, wañuchicojcunataga chiquëmi. Aunishänömi gamcunaga päguyquita chasquinqui. Gamcunawan imaycamapis allilla cananchïpaj conträtutami rurashun.

1 Pedro 3:12

Alli runacunataga Tayta Dios allimi rican. Mañacushantapis wiyanmi. Mana allita rurajcunatami ichanga ricaytapis mana munanchu.»

1 Juan 3:2

Cuyay ermänucuna, cananga Diospa wamranna carpis manami musyanchïrächu imano cananchïtapis. Ichanga musyanchïmi Jesucristo cutimushan junäga quiquin-niraj cananchïpaj cashanta. Paytaga rasunpa quiquintami ricashunpaj.

Apocalipsis 22:4

Chaychöga Tayta Diosta llapanmi rejsengapaj. Llapan chaycho cajcunapa urcuncunachömi Tayta Diospa jutinpis señalaraycanga.