Salmos 11:4 - Tayta Diosninchi Isquirbichishan

⁴ Tayta Diosga caycan rispitädu Templunchömi. Jamacunanpis syëluchömi caycan. Runacuna imata rurashallantapis llapantami ricapaycan.

Salmos 11:4 ပူးပေါင်းရင်းမြစ်များ

1 Crónicas 17:5

Israelcunata Egiptupita jorgamushä junajpita-pacha manami goyashcächu templucunachöga. Chaypa ruquenga purishcä tolducunallacho juc-lächo juc-lächo.

2 Crónicas 16:9

Tayta Diosga ricaycanmi maycho ima caycashantapis Payman yäracoj cajta yanapänanpaj. Canan gamga upanömi llutanta rurashcanqui. Chaypitami cananpitaga amatar guërrallachöna canquipaj.»

Job 24:23

Shongun yarpashanno runa goyäcunanpämi Tayta Diosga camacächin. Chaypis ricapaycanmi imata rurashallantapis.

Salmos 103:19

Tayta Diospa jamananga caycan syëluchömi. Payga intërutami mandaycan.

Salmos 113:5

Tayta Diosga janajpitami mandaycämun. Paynöga manami pipis canchu.

Salmos 139:23

Tayta Dios, imano cashätapis ricamay. Imano shongö cashallantapis musyaycamay ari. Imano yarpashallätapis musyamay ari.

Salmos 14:2

Tayta Diosga syëlupita-pachami ricaraycämun pillapis tantiyaj caycashanta ricananpaj, pillapis payman yäracuycashantaraj musyananpaj.

Salmos 18:6

Fiyupa llaquicurmi Tayta Diosta mañacurä. Mañacurä yanapämänanpaj. Payga wiyamaran Templunpita. ¡Gaparayparaj mañacushäta wiyaran!

Salmos 2:4

Janaj pachacho caycaj Tayta Diosmi paycunapäga asicun. Quiquin Tayta Diosmi mana cäsupanchu.

Salmos 33:13

Tayta Diosga syëlupita-pachami ricaycämun. Llapan runacunatami ricapaycan.

Salmos 44:21

gamga musyanquimanmi caran llapan pacarajtapis ricaj caycashpayquega.

Salmos 66:7

Munayniyoj cayninwanmi imaycamapis mandanga. Imano cashantapis intëru nasyuntami ricapaycan. Chaura mana wiyacojcunaga paypa contran ama jatarichunchu. Selah

Salmos 9:11

Sioncho mandaj caycaj Tayta Diospaj alabansata cantay. Imata rurashantapis intëru marcacunacho willacuy.

Proverbios 15:3

Tayta Diosga may-chaychöpis caycanmi. Alli cajcunatapis fiyu cajcunatapis ricaycanmi.

Isaías 66:1

Tayta Dios cayno nin: «Syëluga jamanämi. Mundu allpanami chaquë lluchcaränan. Chayno caycaptëga ¿maychöraj wasita aruchipämanman? ¿Maychöraj jamaycunäpaj rurachipämanman?

Jeremías 17:10

Nogami ichanga llapanpa shongun imano yarpaycashatapis musyä. Nogaga cada-ünuntami imanöpis cashanpita, imanöpis rurashanpita pägunta gö.»

Jeremías 23:24

Noga ricanäpitaga ¿piraj pacacunman? Syëluchöpis allpachöpis caycämi. Noga Tayta Diosmi chayno në.

Miqueas 1:2

Tayta Dios rimachiptin Miqueas cayno niran: «Llapaniqui runacuna wiyay. Intëru nasyuncho tiyajcuna wiyashpayqui sumaj tantiyacuy-llapa. Munayniyoj Tayta Diosmi rispitädu Templunpita-pacha nishunquipaj juchata rurashayquicunata.

Habacuc 2:20

Tayta Diosmi ichanga caycan santo Templuncho. ¡Paypa ñaupanmanga rispëtuwan upällalla yaycuy!»

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Mateo 23:21

Pipis Templupa jutincho juraj cäga Templucho llapan churarajnintinpämi juraycan. Chayno Tayta Diospa jutinchöpis juraycan Templucho pay cashanpita.

Mateo 5:34

«Chaypis nogaga caynömi në: Ni imanillarpis ama juranquichu. Ama juranquichu ‹Syëlupa jutinchömi jurä› nir. Syëluga Tayta Diospa jamananmi.

Hechos 7:49

« ‹Syëluga jamacunämi. Mundu allpanami chaquë lluchcaränan. Chayno caycaptenga ¿runa rurashan wasicho tiyämanchuraj?

2 Tesalonicenses 2:4

Chay fiyu runa shamorga manami munangachu Diosninchïta ni imatapis runacuna adurananta. Chaypa ruquenga quiquillantana aduranantami munangapaj. Chaynöpis Dios-tucushpanmi Diospa Templunman yaycur jamacuyconga llapanta mandananpaj.

Hebreos 4:13

Chaymi Tayta Dios camashan cäga paypita mana pacacunchu. Paypäga llapanpis ricacajllami caycan. Chaymi imata rurashallanchïtapis jusgamäshunpaj.

Apocalipsis 4:2

Jinan öra Espíritu Santu ricachimaran mandajpa jamacunan sillun syëlucho caycajta. Chay sillunchönami juc jamaraycaran.