Salmos 10:5 - Tayta Diosninchi Isquirbichishan

⁵ Imata rurashanchöpis allimi llojshipacun. Paycunaga jusgacänanpaj cashanta manami yarpanchu. Chiquinacushantaga manacajmanmi churan.

Salmos 10:5 ပူးပေါင်းရင်းမြစ်များ

Génesis 6:12

Cay pachacho tiyaj runacunaga fiyupa mana allimanna ticrasha caran. Jucha rurayllamanna uman churacasha caycaran.

2 Samuel 5:6

Ray Davidga munaynincho caj runacunawan aywaran Jerusalenman Jebús runacunata magaj. Chaymi Jebús runacunaga siudäman David yaycunanta mana riguishpan niran: «Gamga manami cayman yaycamunquipächu. Siudäman yaycamunayquitaga wegrucunallawan gapracunallanami ichipäshunqui.»

1 Reyes 20:13

Paycuna chayno caycashancama juc profëta chayaran Israelpa raynin Acab cajman. Chayaycur niran: «Tayta Diosga nin: ‹Chiquishojcunata aypallata ricaptiquipis, cananmi munayniquiman churamushaj Noga Tayta Dios cashäta musyanayquipaj.› »

Job 24:23

Shongun yarpashanno runa goyäcunanpämi Tayta Diosga camacächin. Chaypis ricapaycanmi imata rurashallantapis.

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Salmos 73:3

Nogaga fiyupami charayta munaparä alli-tucojcuna charashanta. Fiyu runacuna alliman chayaptin pasaypami chiquiparä.

Proverbios 1:19

Chaynömi yargaj runacunapis: Yargaj-cashallanwanmi wañuytapis tarin.

Proverbios 15:24

Alli cajta rurajcunaga janaj pachamanmi aywaconga. Chaynöpami allpa rurinman mana yaycongachu.

Proverbios 2:13

Salbashunquipaj alli rurayta cachaycur jucha rurayman cutej runacunapa maquinpita.

Proverbios 2:15

Chay runacunaga allita ruraycashantami cachaycusha. Llutancunata rurarmi pantacasha carcaycan.

Proverbios 24:1

Fiyu runacuna rïcuyaptin ama rabyapaychu. Ni paycunawan goturaytapis ama yarpaychu.

Isaías 10:1

¡Ay imanöraj canga mana allita rurananpaj layta rurajcuna, pipis cumliyta mana puydinanpaj caj layta rurajcuna!

Isaías 26:11

Tayta Dios castiganayquipäga maynami camarisha caycanqui. Ichanga chay runacuna manami tantiyacunchu. Acrashayqui runacunata fiyupa cuyashayquita ricashpanrämi pengaycho ricacongapaj. ¡Chay runacunataga rabyasha caycashayqui ninano usharichun!

Isaías 28:15

Gamcunaga nircaycanqui: «Wañuywanmi parlashcäcuna fiyupa manchariypaj mana alli chayamuptin nogacuna mana wañunäpaj. Nogacunaga llullacuypami pacacushäcuna. Engañaypami chapacushäcunapis.»

Isaías 42:25

Chaypitami Tayta Diosga paycunapaj rabyacurcuran. Nircorga guërracho fiyupa ñacachishpan castigasha. Chay runacunataga rabyashpanmi Tayta Dios ninanöpis ushariran. Chayno ruraycaptinpis paycunaga manami wiyacuranchu.

Isaías 5:12

Gamcuna fistata rurashayquichöga arpa, guitärra, tamburcuna, pincullucuna wagashallanmi wiyacaycanpis. Chay fista rurashayquichöga bïnupis aypallanpami ushacan. Ichanga manami yarpachacunquicunachu Tayta Dios ruraycashanpäga. Manami tantiyacunquipischu Tayta Dios camaricuycashantaga.

Oseas 14:9

Yachaj cajcunaga, yarpaysapa cajcunaga cay willacuyta tantiyachun. Tayta Diospa caminunga derëchumi. Alli runacunaga chaypami purin. Juchasapacunami ichanga chay caminucho tacacan.

Oseas 9:9

Gabaacho cashan wichannömi gamcunaga pasaypana pirdicasha carcaycanqui. Tayta Dios ichanga mana alli rurashayquicunata llapanta yarparaycan. Chaymi llapan juchayquicunapita castigashunquipaj.

Romanos 3:16

Paycuna purishanpaga mana allita rurashallanmi quëdan.

Jueces 9:27

Nircorga llapan aywaran chacraman. Übasta shuntaycärir bïnuta ruraran. Nircur fistata ruraran «diosnë» nishancunapa templuncho. Cushicur micur upuran. Abimelecpa washanta rimaran.

Jueces 9:38

Chaura Zebulga niran: «Cananpis mä ollgucachay ari, baduläqui. Gamga nirayqui ‹¿imataj canchi Abimelecpa uywayninno caycänapäga?› Masqui ricay manacajman churashayqui suldärucunata. ¡Canan mä ayway pillyaj!»