Salmos 10:4 - Tayta Diosninchi Isquirbichishan

⁴ Chay runacunaga alli-tucur nin: «Diosga manami canchu. Piräshi nogata jusgamanman imata rurashätapis» nir. Chayllatami imay örapis yarparaycan.

Salmos 10:4 ပူးပေါင်းရင်းမြစ်များ

Génesis 6:5

Tayta Dios ricaran runacuna pasaypa mana alli rurayllachöna cawashanta. Chay runacunaga yarparaycaran jucha rurayllapaj.

Job 22:17

Paycunaga Tayta Diosta niran: ‹¡Ama rimapämaychu! ¿Imataraj nogacunapäga gam ruranquiman?› nir.

Salmos 101:5

Bisïnunpa washanta pacayllapa parlaycajta nogaga piñacushämi. Manami awantächu ollgojcunatawan alli-tucojcunataga.

Salmos 18:27

Umildicunataga salbanquimi. Alli-tucojcunatami ichanga manacajman churanqui.

Salmos 27:8

Shongömi shacyächiman «Tayta Diosman yäracuy» nir. Chaymi nogaga gamllaman yäracamö.

Salmos 36:1

Juchasapacunaga yarpan imanöpapis mana allita rurayllatami. Manami imaypis yarpanchu Tayta Diosta manchacuytaga.

Salmos 53:1

Rumi shongucunaga «Dios mana canchu» nirmi yarpan. Pasaypa pirdicashanami. Melanaypajcunatami rurasha. ¡Paycunaga mayganpis manami allita rurannachu!

Salmos 73:11

Paycunaga nin: «¿Imanöpataj Diosga musyanga? ¿Imanöpataj janajcho caycäga musyanga?» nir.

Éxodo 5:2

Chayno niptin faraón niran: «¿Pitaj chay Tayta Dios, Israelcunata cachanäpäga? Nogaga manami chay Tayta Diosta rejsëchu. Israelcunatapis manami cachashächu.»

Proverbios 21:4

Manacajman churaypis, yachaj-tucuypis, mana allita yarpaypis juchami.

Proverbios 30:13

Waquenga fiyupami munayniyoj-tucun. Chaymi waquin runataga manacajman churan.

Proverbios 30:9

Rïcu carga gamta gongaycur Tayta Dios capaschari nëmanpis «Pitaj chay Tayta Dios» nir. Muchupacarga capaschari suwacuycömanpis. Chayno rurarga jutiquitapis manacajmanmi churaycöman.

Proverbios 6:17

Alli-tucojcunata, llullacunata, alli goyäcoj runata wañuchejta,

Eclesiastés 8:11

Fiyu runata juchanpita mana castigaptenga runacuna sïguirmi jucha rurayllapaj yarparcaycanga.

Isaías 2:11

Alli-tucojcunaga uysurpangami. Ollgojcunapis manacajman churashami ricacongapaj. Chay junäga Tayta Diosllami fiyupa munayniyoj cashpan rispitasha canga.

Isaías 3:9

Juchata rurashancunaga alayrimi musyacaycan. Juchata rurashancunataga manami pacanchu. Sodoma runacunapaj mayacashannömi may-chaymanpis mayacaycächin. ¡Ay imanöraj canga paycunaga! Quiquincunallami castigasha caytapis ashircaycan.

Isaías 59:7

Mana allita rurananpäga apuraypa apurarmi cörrin. Alli runata wañuchinanpaj rasyaylla aywan. Wañuchicuyllapämi yarparcaycan. Paycuna purishanpaga mana allita rurashallanmi caycan.

Isaías 65:2

Conträ ricacoj runacunatami witimunanpaj goyay-goyay maquëta macyarashcä. Chay runacunaga quiquincuna munashannöllami llutan caminupa aywarcaycan.

Jeremías 2:31

«Canan wichan caycaj runacunapis sumaj tantiyacuy Tayta Dios willacaycächishanta. Israelcuna, gamcunapäga ¿chunyaj jircachu cashcä? ¿Chacajno llantuy ñitishachu cashcä? ¿Imanirtaj nogapaj nircaycanqui ‹Nogacunaga manami pipa munayninchöpis cächu. Manami yapay gammanga yäracamushänachu› nir?

Jeremías 4:14

Chaura noganami nishäpaj: ‹Jerusalén runacuna jucha rurashayquicunapita arpinticuy. Chaynöparämi salbacunquipaj. ¿Imaycamaraj jucha rurayllapaj yarparcaycanqui?› nir.

Sofonías 1:12

Chay wichanga lamparinwan achquicurcurmi Jerusalencho tiyajcunataga acramushaj. Nircur castigashaj pogusha bïnupa gonchun tiyacurcushanno mana yarpachacuypa caycaj runacunata. Chay runacunaga caynömi nircaycanpis: ‹¡Tayta Diosga manami imatapis rurangachu allita ni mana allitapis!› nir.

Sofonías 2:3

Cay pachacho umildi cajcuna, pay nishanta wiyacojcuna, llapaniqui Tayta Dios munashanno ruray. Rasun cajllata rurashpayqui umildilla goyay. Chayno goyashpayquega capaschari salbacunquimanpis Tayta Dios rabyar jusganan junäga.

Marcos 7:21

Shongunchömi yarpachacun juchata rurananpaj, jucwan-jucwan cacunanpaj, suwacunanpaj, runata wañuchinanpaj,

Hechos 8:22

Llutanta yarpänayquipa ruquenga Tayta Diosta mañacuy perdunashunayquipaj. Capaschari perdunashunquimanpis.

Romanos 1:21

Tayta Diosninchi llapanpaj munayniyoj cashanta musyaycarpis paycunaga manami wiyacuranchu ni agradësicuranpischu. Chaypa ruquenga manacajcunallata yarpar mana allita rurashpanmi cawaran.

Romanos 1:28

Tayta Dios munashanno cawayta mana munaptinmi payga cachaycusha llutan yarpaynincunacho cawacunanpaj, marca pengay goyänanpaj.

Efesios 2:12

Yarpay manaraj Jesucristuman yäracushayquita, mana Israel casta cashayquita y jäpa runa car Tayta Diosninchïpa conträtuncho aunishancunatapis mana chasquishayquita. Cay pachacho gamcunaga cawarayqui Tayta Diospita mana musyaypami, Diospita imatapis mana shuyaraypami.

Deuteronomio 8:14

Tayta Diostaga ama gongaycunquichu. Paymi Egiptucho uyway caycajta jorgamusha-cashunqui.