Salmos 10:1 - Tayta Diosninchi Isquirbichishan

¹ Tayta Dios ¿imanirtaj carullacho cacunqui? ¿Imanirtaj pacacunqui llaquicuycuna cashan öra?

Salmos 10:1 ပူးပေါင်းရင်းမြစ်များ

Job 13:24

¿Imanirtaj nogapita pacacunqui? ¿Imanirtaj contrayquitano ricamanqui?

Job 23:9

Norte caj-läpa imata ruraptin ashirpis manami ricächu. Sur caj-läpa ticraycurpis manami ricächu.

Job 34:29

Dios mana rimacuptenga ¿piraj payta jitapanman? Dios ticracurcuptin runaga ¿imataraj ruranman? Paymi ricaycan marcacunatawan runacunatapis,

Salmos 22:1

Diosnillä, Diosnillä, ¿imanirtaj cachaycamashcanqui? ¿Imanirtaj mana salbamanquichu? ¿Imanirtaj mana wiyamanquichu llaquicur mañacaycämushäta?

Salmos 27:9

Nogapita ama pacacuychu. Ama wasguipämaychu. Gamllami imachöpis yanapämanqui. Japallätaga ama cachaycamaychu ari. Gamllami canqui salbamaj Tayta Diosnëga.

Salmos 30:7

Gammi Tayta Dios alli cashpayqui nogataga alli pachaman tiyachimarayqui. Cachaycamaptiquimi ichanga manchariyllawan ima ruraytapis mana camäpacushcänachu.

Salmos 44:24

¿Imanirtaj pacacunqui? ¿Imanirtaj nogacunataga gongaycamashcanqui? Masqui ricay, imanöshi ñacaycächiman.

Salmos 44:25

Nogacunataga binsimashanami. Chaymi pengacuyllawan lätaycachaycä.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 88:14

Tayta Dios nogataga ¿imanirtaj manacajman churamanqui? ¿Imanirtaj nogapitaga pacacunqui?

Jeremías 14:8

Gamllamanmi Israelcunaga yäracamö. Fiyupa llaquicurcaycaptëpis gamllami imapitapis salbamanqui. Cananga ¿imanirtaj cay nasyunchöga jäpano caycanqui? ¿Imanirtaj gorpa pachacojnölla caycanqui?

Jeremías 14:9

¿Imanirtaj mancharisha runanölla caycanqui? ¿Imanirtaj guërracho pillyay yachaj runa pitapis mana yanapajno caycanqui? Tayta Dios gamga nogacunapa lädöchömi caycanqui. Llapanmi musyan nogacunaga gampa cashäta. ¡Nogacunataga ama cachaycamaychu ari!