Salmos 1:3 - Tayta Diosninchi Isquirbichishan

³ Chay runaga caycan juc yöra mayu cantuncho alli caycajnömi, wayunan timpu chayamuptin alli wayojnömi, öjancunapis mana garwashtajnömi. ¡Chay runataga llapanpis allimi llojshipan!

Salmos 1:3 ပူးပေါင်းရင်းမြစ်များ

Génesis 39:23

Josëwan Tayta Dios captinmi paytaga ima rurashanpis alli llojshipaj. Chaymi Josëpa maquincho cajtaga carsilcho cuydaj runa mana yarparajnachu.

Génesis 39:3

Chaura patrunnin musyaran Josëwan Tayta Dios caycashanta.

2 Reyes 18:7

Chaymi Tayta Diosga yanaparan. Ima rurashancunachöpis alliman churaran. Ezequiasga Asiriapa rayninpa contran jatariran. Chaymi Asiriapa raynintaga manana sirbirannachu.

1 Crónicas 22:11

Cananga ïju, Tayta Dios yanapaycushunqui Templunta aruchinayquipaj aunimashanno.

1 Crónicas 22:13

Israel runacuna cumlinanpaj Moisesta Tayta Dios nishan laycunata llapanta cumlerga llapanchöpis allimi goyanqui. Ama guellanaychu ni manchacuypischu.

2 Crónicas 31:21

Laycunata mandamintucunata cumlir Templucho imatapis rurachiran llapan shongunpa. Chaynöpami llapanpis alli llojshiparan.

2 Crónicas 32:23

Chaymi chay wichanga achcaj runacuna Jerusalenman Tayta Diospaj garaynincunata aparan. Judá nasyunpa raynin Ezequiasta goycunanpäpis mas allinninta aparan. Chaypita-pachami Ezequiasga waquin nasyuncunacho caj raycunapita mas rejsishana caran.

Job 14:9

yacu chayaptenga yapaymi chillguimonga. Mallwa yörapanörämi rämancunapis cupösu wiñanga.

Job 22:28

Ima ruraychöpis allichömi llojshinquipaj. Llapan mana allicuna cashanpis pacha achicyacäcojnömi ricacongapaj.

Salmos 128:2

Arushayquitaga micunquipämi. Cushisha allimi goyanquipäpis.

Salmos 129:8

Chay runacunataga ama pipis nichunchu: «Tayta Dios yanapaycushunqui. Tayta Dios bindisyunta goycushunqui» nir.

Salmos 92:14

Auquinna carpis yöra muruchajnömi caycanga. Paycunaga berdiraycaj yöranömi sinchi carcaycanga.

Salmos 92:15

Paycunami willaconga chapämajnë Tayta Dios alli cashanta, llapantapis rasun cajllata rurashanta.

Isaías 27:11

Chaychöga yörapa rämancunapis chaquir shicwanga. Chay shicwajta shuntarcurnami warmicuna yanuconga. Chaynöga canga chay runacuna yarpayniynaj captinmi. Chaypitami paycunata Camaj Diosga mana cuyapangachu ni llaquipangapischu.

Isaías 3:10

Alli runacunatami ichanga ima rurashallanpis alli llojshipanga. Allita rurashanpitami alli cawanga.

Isaías 44:4

Chaura paycunaga parguriptin guewa wiñajnörämi miracurenga. Mayu cantuncunacho wayaucuna wiñashannöraj canga.

Isaías 58:11

Nogaga imay örapis pusharaycäshayquipämi. Chunyaj chaqui jircachöpis aypalla micuytami tarichishayqui. Callpayqui cananpäpis yanapäshayquimi. Chauraga caycanquipaj cadalla pargusha werta caycajnömi, yacu llojshinan pösucho imaypis yacu mana chaquejnömi.

Jeremías 17:8

Chay runaga cangapaj mayu cantunman yörata lantaycusha mayu rurinpa sapincuna sapichajnömi. Chay yörataga shanarpis manami chaquichinchu. Imaypis berdillami caycan. Wayuyninpis mana pishiypami caycan.

Ezequiel 17:8

Chay lantaga aypalla yacu chayanancho y alli allpachömi lantaraycaran. Chaychöga alli caycaran fiyupa rämasapayänanpaj, wayunanpaj, cuyayllapaj lanta cananpaj.›

Ezequiel 19:10

«Mamayquega casha yacu aywaycajpa läduncho übas lanta alli wayunanpaj, rämasapa caycajnömi. Payga caycaran übaspa sapinta achca yacu ushmashannömi.

Ezequiel 31:5

Achca yacu chayar parguptinmi chay yöraga wiñasha waquin yöracunapita mas jatuncaray. Fiyupa rämayojyasha. Rämancuna jatunyarga may-maypa mashtacasha.

Ezequiel 47:12

Chay mayupa ishcan-lä cantuncho wiñamongapaj tucuy casta frütata wayoj yöracunami. Öjancunapis mana shicwajmi canga. Imaypis chaynöllami wayuycanga. Cada quillami wayuynin caycanga. Chaynöga canga Templupita llojshej yacu parguptinmi. Wayuynincunaga canga micunapaj; öjancunana canga jampipaj.»

Números 24:6

Palma yöracuna fïlayllanpa ichiraycajnömi ricacan. Mayu cantuncho wertata Tayta Dios lantashanno caycan. ¡Yacu cantuncho sedru guerucuna caycajnömi caycan!

Mateo 13:6

Ichanga allpa sumaj mana captin shanaywan chaquicäcusha.

Mateo 21:19

Chaymi näni ñaupancho ïgus yörata ricärir wayuyninta pallaj aywaran. Öjancuna captinpis wayuynenga manami jucnayllapis caranchu. Chaura Jesús niran: «Cananpitaga manami imaypis wayunquipänachu.» Chayno nircuptin jinan örami yöraga chaquicäcuran.

Mateo 21:34

«Chaypitaga cosëcha wichanshi uywaynincunata cachasha paypaj cajta raquipämunanpaj.

Mateo 21:41

Tapuptinmi runacuna niran: «Mana cuyapaypami wañuchenga chay mana alli runacunataga. Nircur alli runacunatana chacranta arrindayconga cosëchacho wayuyninta raquipänanpaj.»

Juan 15:6

Pipis nogaman mana yäracamoj cäga yöranpita muturisha rämanömi canga. Mutusha carga chaquicäcun. Chaquicäcuptenga rupananpaj ninaman waycushami canga.

Deuteronomio 28:8

«Tayta Diosga bindisyunta churanga micuy churacunayquicunaman, llapan arushayquimanpis. Goycushunayquipaj caycaj nasyunchöga cushishatami goyächishunquipaj.

Judas 1:12

Diosta alabar shuntacaycur micushayquicunachöpis paycunaga pitapis mana cäsuypami micun. Quiquincunallapämi imatapis ashin. Paycunaga usya wichan chaqui pucutay wacpa caypa purejnöllami caycan. Wayunanpaj timpunchöna caycarpis mana wayoj yöranömi carcaycan. Sapipita achurisha chaquisha caycaj yöranömi carcaycan.

Apocalipsis 22:2

Siudäpa jatun cällin chaupinpami chay mayu aywaycaran. Cuchuncunachömi imaycamapis cawachicoj yöracuna caycaran. Chay yöracunami cada quilla wayoj. Yörapa wayuyninta micur runacuna manami wañurannachu. Öjancunanami llapan nasyun runacunapaj jampi caran.