Rut 4:13 - Tayta Diosninchi Isquirbichishan

¹³ Chaynöpami Boozga Rutwan majachacaran. Chaypita Rut gueshyaj ricacur ollgu wamrata gueshyacuran.

Rut 4:13 ပူးပေါင်းရင်းမြစ်များ

Génesis 20:17

Sarata Abimelec pushachishanpitami Tayta Diosga camacächiran Abimelecpa wasincho caj warmicuna wawata mana tarinanpaj. Chaymi Abraham Diosta mañacuptin Abimelecpa uywaynin warmicunata allchacächiran llapan wawayoj cananpaj. Abimelectapis warmintinta allchacächiran.

Génesis 25:21

Rebecaga wamrata mana tariranchu. Chaymi Isaacga Tayta Diosta mañacuran warmin wawayoj cananpaj. Tayta Dios wiyaran Isaac ruwacushanta. Chaynöpami Rebecaga gueshyaj ricacuran.

Génesis 29:31

Tayta Dios ricaran Leata Jacob mënus cuyashanta. Chaymi paytaga yanaparan wamrayoj cananpaj. Raquelpämi ichanga wawata mana tarinanpaj camacächiran.

Génesis 30:2

Chayno niptin Jacobga fiyupa rabyaran. Chaymi Raquelta niran: «Nogaga Diostächu cä. Paymi mana munanchu wawayoj canayquita.»

Génesis 33:5

Esaüga ricchacurishancho ricäriran warmicunatawan wamracunata. Chaura tapuran: «Caycunaga ¿picunataj?» nir. Tapuptin Jacob niran: «Tayta Dios tarichimashan wamräcunami callan tayta.»

Salmos 113:9

Mana wawa tarej warmita cushicachin wawayoj cananpaj, wasincho cushishana tiyananpaj. ¡Aleluya! ¡Tayta Diosga alabasha cachun!

Salmos 127:3

Wamranchïcunaga yurin Tayta Diosninchi alli bindisyunta gomaptinchïmi.

Rut 3:11

Cananga ama manchacuychu. Nimashayquitaga llapantami camacächishaj. Cay marcächo llapanmi musyan furmal, alli warmi cashayquita.

Rut 4:12

Tayta Diosninchi yanapaycushunqui chay warmicho achca wamrayqui cananpaj. Chaynöpami aypallaman miranqui Tamarpa Judäpa wamran Fares mirashanno.»

1 Samuel 1:27

Chay örami Tayta Diosta mañacurä wamrata. Mañacushäta wiyarmi wamrata tarichimasha.

1 Samuel 2:5

Ñaupata rïcu cajcuna, cananga yanapäcun juc tantallapaj. Muchuycho cajcunami ichanga manana muchunnachu. Mana wawata tarej warmina ganchis cuti gueshyacusha. Achca wamrayojcunataga japallanna ricacunanpämi wamrancunata ushacächin.