Romanos 7:12 - Tayta Diosninchi Isquirbichishan

¹² Ichanga ama yarpäshunchu laycuna mana alli cashanta. Laycunaga Tayta Diosninchi nisha captinmi alli caycan.

Romanos 7:12 ပူးပေါင်းရင်းမြစ်များ

Nehemías 9:13

«Sinaí puntamanmi urämurayqui. Paycunataga syëlupitami willapämurayqui. Munashayquino goyänanpaj tantiyachirayqui. Alli cajta yachachirayqui. Allillata rurananpaj laycunatapis, mandamintucunatapis willaparayqui.

Salmos 119:127

Nogami ichanga allinnin goripitapis masraj mandamintuyquicunata cuyä.

Salmos 119:137

Tayta Dios, gamga juchaynajmi canqui. Rasun cajtami llapantapis jusganqui.

Salmos 119:140

Gam aunishayquega rasun cajmi. Chaymi aunishayquipita nogaga fiyupa cushicö.

Salmos 119:172

Aunimashayquipitami alabashayqui. Mandamintuyquicunaga llapanpis allillami.

Salmos 119:38

Sirbishojcunataga allilla goyächinayquipämi aunirayqui. Nogatapis allilla goyächimänayquipaj aunimay ari.

Salmos 119:86

Yanapaycamay ari. Imatapis mana rimapaycaptëmi gaticacharcaycäman. Gampa mandamintuyquega llapanpis rasun cajllami.

Romanos 12:2

Waquin runacuna shongun munashanta rurar cawashannöga amana cawaynachu. Chaypa ruquenga llutan yarpaycunata y jucha ruraycunata cachaycur yarpachacuy Tayta Diosninchi munashanno cawanayquipaj. Chaynöpami tantiyanquipaj Tayta Diosninchi munashanno cawayga mas alli caway cashanta.

Romanos 3:31

Chaura Jesucristuman yäracur salbasha caycarga ¿Moisés isquirbishan laycunata manacajmanchuraj churaycanchi? Manami. Chaypa ruquenga Jesucristuman yäracur yachachishancunata wiyacurmi chay laycunata cumliycanchi.

Romanos 7:14

Musyanchïmi chay laycunaga Tayta Diosninchïpita car alli cashanta. Nogami ichanga mana allicunata rurayta munar juchapa munaynincho caycä.

Romanos 7:16

Chayno mana munashä mana allicunata rurarmi nogaga allita rurayta mana camäpacöchu. Chaymi laycunataga nistä alli cajta tantiyachimänanpaj. Chaypämi layga alli caycan.

Deuteronomio 10:12

«Israelcuna ¿imata ruranayquitataj Tayta Dios munan? Tayta Diosga munan payta wiyacur munashanno cawanayquitami, llapan shonguyquiwan, llapan buluntäniquiwan payta cuyar sirbinayquitami.

Deuteronomio 4:8

Juc nasyun runacunapa laynincunapis manami gamcunapa layniquicunanöchu caycan. Gamcunata canan yachachishä laycunaga paycunapa laynincunapita mas allimi caycan.

1 Timoteo 1:8

Musyanchïmi Tayta Diospa laynin nishanno mayganta rurananpaj y mana rurananpaj cashanta pipis yachachiptenga alli cashanta.