Romanos 2:18 - Tayta Diosninchi Isquirbichishan

¹⁸ Imano goyänayquipaj Tayta Dios munashantapis musyanquimi. Laycho niycashanta musyarmi tantiyanqui maygan alli cashanta maygan mana alli cashantapis.

Romanos 2:18 ပူးပေါင်းရင်းမြစ်များ

Salmos 119:130

Palabrayquiwan tantiyachiptenga mana yachaj runapis allimi tantiyan.

Salmos 19:8

Tayta Diospa laynincunaga manami llutanchu. Shongunchïtapis cushicachinmi. Tayta Dios yachachimashanchëga sumaj allimi. Yachachimanchi alli cawayta tarinapämi.

Proverbios 6:23

Mandamintucunaga achqui tübu rataycajnömi caycan. Yachachicuypis achquinömi. Corrijimashanchïta piñacamashanchïta sumaj wiyacorga alli cawaytami tarishun.

Lucas 1:4

Chaynöpami gamga ñaupata willapäshushayquicuna rasunpa cashanta sumaj musyanquipaj.

Lucas 12:47

«Patrunnin nishanta musyaycar mana wiyacuypa llutanta ruraj uywaytaga fiyupami castiganga.

Juan 13:17

Cay nishäcunata alli tantiyacorga, llapantapis nishänölla cumlerga cushishami cawanquipaj.

Romanos 15:4

Tayta Diosninchïpa palabrancho llapan isquirbiraycajcunaga tantiyacunanchïpämi caycan. Palabranta tantiyarmi ñacarpis pasinsacushpanchi mana yamacaypa shuyaraycanchi ñaupanman pushacamänanchïpaj.

Romanos 2:19

Chaymi gamga gaprano caycajcunata pushajno, chacaycho puriycajcunata achquipajno caycanqui.

Deuteronomio 4:8

Juc nasyun runacunapa laynincunapis manami gamcunapa layniquicunanöchu caycan. Gamcunata canan yachachishä laycunaga paycunapa laynincunapita mas allimi caycan.

Filipenses 1:10

Chayno mañacuycä alli u mana alli cashantapis sumaj tantiyacunayquipaj. Chaynöpami Jesucristo cutimunancama pay munashanno cawanquipaj.

1 Tesalonicenses 5:21

Ichanga sumajraj musyapanquiman. Allita rimaptinmi ichanga chasquicunquiman.

Hebreos 5:14

Chucru micuymi ichanga rucu runacunapäna caycan. Rucu runacunaga musyannami maygan alli cashanta maygan mana alli cashantapis. Chayno caj runaga tantiyannami Tayta Dios munashanno cawayta.

Santiago 4:17

Chaura ima alli cashantapis musyaycar mana rurarga juchatami ruraycan.