Romanos 10:8 - Tayta Diosninchi Isquirbichishan

⁸ Chaura ¿ima nintaj? «Tayta Diosninchïpa willacuynin gamcunachömi caycan. Paypa willacuynenga shimiquicho, shonguyquichömi caycan.» Chay willacuynintami nogacunapis willacuycä Jesucristuman yäracunayquipaj.

Romanos 10:8 ပူးပေါင်းရင်းမြစ်များ

Isaías 57:19

Nircorga caynömi willacachishaj: ‹¡Carucho caycajcunapaj alli goyay cachun! ¡Sercacho goyaycajcunapäpis alli goyay cachun!› nir. ¡Acrashä runacunataga nogami allchacächishaj!

Hechos 10:43

Profëtacunapis Jesuspäga willacuran: ‹Payman yäracoj cajtaga pitapis perdunangami› nir.»

Hechos 16:31

Chaura paycuna niran: «Tayta Jesusman yäracuy. Chauraga salbashami canquipaj gam y wasiquicho tiyajcunapis.»

Romanos 10:17

Chaymi willacuyta wiyar-raj pipis yäracun. Chay willacuyga caycan Jesucristo willacushancunami.

Gálatas 3:2

Canan mä willamay. Gamcunaga ¿laycunata cumlirchu u Jesucristuman yäracurchu Espíritu Santuta chasquicushcanqui?

Gálatas 3:5

Tayta Dios Espíritu Santunta goshushpayqui y milagrucunata rurashpan, ¿imanirtaj ruran? Manami laycunata cumlishayquipitachu, chaypa ruquenga Jesucristupa alli willacuyninta chasquicushayquipitami.

Efesios 5:26

Chayno wañushpanmi bautismuwan y alli willacuyninwan inlisyapa juchancunata perdunasha payllapäna cananpaj.

Deuteronomio 30:14

Chaypa ruquin canan willapashä mandamintucunaga umayquicunacho, shonguyquicunachömi caycan.

1 Timoteo 4:6

Chay nishäcunata ermänucunata sumaj yachacherga Taytanchi Jesucristupa alli sirbejninmi canquipaj. Tayta Diosninchïpa alli willacuyninta yachacorga, y alli yachachicuycunata wiyacorga alli micuyta micushanömi canquipaj.

1 Pedro 1:23

Chaypämi mushoj cawayta chasquicur yapay yurishano carcaycanqui. Alli cawaytaga manami mama-taytapitachu tarishcanchi; chaypa ruquenga imaycamapis cawaj Tayta Diosninchïpitami. Paymi mushoj cawayta gosha-cashunqui alli willacuyninta chasquicuptiqui. Chay alli willacuynenga mana ushacajmi.

1 Pedro 1:25

Tayta Diospa palabranmi ichanga imaypis mana ushacanchu». Chay alli willacuynintami willapäshurayqui salbasha canayquipaj.