Romanos 1:23 - Tayta Diosninchi Isquirbichishan

²³ Chaymi imaycamapis cawaj munayniyoj Tayta Diosta adurananpa ruquenga runa-nirajcunata ruraycullar aduran. Chaynöpis aduran pärejcunatano ruraycur, uywacunatano ruraycur y garachaypa purejcunatano ruraycur.

Romanos 1:23 ပူးပေါင်းရင်းမြစ်များ

Salmos 106:20

Fiyupa munayniyoj Tayta Diosta adurananpa ruquin adurarcaycaran guewa micoj buyita-niraj rurashanta.

Isaías 40:18

Gamcunaga ¿imamanraj Tayta Diosta tincuchinqui? ¿Imanirajtataj ruranqui «diosnë» nishpayqui?

Isaías 40:26

Syëluman ñuquircushpayqui masqui ricchacuriy: ¿Pitaj llapan chaycunata rurasha? Chaycunataga rurasha llapan estrëllacunata juc juclla camacächejmi, llapantapis jutinpa-jutinpa rejsejmi. Payga fiyupa munayniyojmi, fiyupa callpayojmi. Rurashancunaga manami jucnayllapis pishinchu.

Isaías 44:13

Masqui guerupita ïduluta llagllaypa rurajpäpis yarpachacushun: Gueru ima tamäñu cashantapis metruwanmi tupun. Imanirajta rurananpäpis läpiswan cumpaswan dibujan. Nircorga iscupuluwanna uchcuypa llagllan. Chaynöpami ïdulutaga runa-nirajta ruran. Cuyayllapaj caynintapis runa-nirajman ticrachin. Usharcurnami ïdulu jamaränan altarman churan.

Jeremías 2:11

¿Maygan nasyunllaga diosnincunata rucachishachuraj juc dioscunata adurananpaj? ‹Diosnë› nishancunaga manami rasunpa diospischu. Acrashä runacunami ichanga mana sirbej ïdulucunata aduranan casha Noga munayniyoj Diosnin caycaptëpis cachaycamasha.

Ezequiel 8:10

Chaura yaycushpä ricarä intëru pergacho tucuy-niraj culebracuna, ganra animalcunapis dibujasha caycajta. Israelcunapa tucuy-niraj ïdulun-nirajcunatapis dibujashata ricarä.

Hechos 10:12

Chay jacuchöga caycaran llapan casta animalcuna, culebracuna, äbicunami.

Hechos 17:29

Chaura Tayta Dios camashan castalla caycarga ama yarpäshunchu Diosga goripita, guellaypita, rumipita cashanta. Chaycunataga runacunami quiquinpa yarpaynillanpita ruran.

Romanos 1:25

Tayta Diosninchïta adurananpa ruquenga quiquincuna rurashallantami aduran. Llapanta camaj Tayta Diosninchïta adurananpa ruquenga pay camashallantami aduraycan. Quiquin Tayta Diosnillanchi adurashaga cachun.

1 Corintios 12:2

Musyashayquinöpis Jesucristuta manaraj chasquicur gamcunaga mana tantiyacur waquin runacunanömi ïdulucunata adurar goyarcaycanqui.

Deuteronomio 5:8

« ‹Aduranayquipäga ama imatapis ruranquichu syëlucho caj-nirajta, cay pachacho caj-nirajta, ni lamar rurincho caj-nirajtapis.

1 Pedro 4:3

Unaymi ichanga gamcunapis jucha rurajcunawan iwal juchallata rurashcanqui. Chaymi shonguyqui munashancunallata rurarayqui, mana pengacuypa jucwan-jucwan juchata rurar puricurayqui, upyallar purirayqui, fistacunacho tucuyta rurarayqui, melanaypaj ïdulucunatapis adurarayqui. Unay chayno cawasha carpis cananga amana chayno cawaynachu.

Apocalipsis 9:20

Chay castïgucunawan mana wañoj runacunaga mana alli ruraycashancunatapis manami cachariranchu. Chaypa ruquenga dyablucunata, ïdulucunata imaypis aduraran. Aduraran goripita, guellaypita, runsipita, rumipita guerupita rurasha caycashanta musyaycarmi. Chay adurashancunaga manami ricayta, wiyayta ni puriytapis puydinchu.