Proverbios 8:28 - Tayta Diosninchi Isquirbichishan

²⁸ Syëluman pucutayta camacächiptin, lamarcho yacu mana pishïnanpäpis camacächiptin paywanmi caycarä.

Proverbios 8:28 ပူးပေါင်းရင်းမြစ်များ

Génesis 1:7

Diosga chay nishannölla asulyaraycämojta camaran yacu ishcay pachaman raquicänanpaj. Waquin caj yacu quëdaran uracho, waquin cajnami janajcho.

Génesis 1:9

Chaypitana Tayta Dios niran: «Ura caj yacu juc pachallaman shuntacächun allpa ricacänanpaj.» Chaura nishannölla caran.

Génesis 7:11

Chay tamyaga gallaycuran mushoj wataman gallarej ishcay quilla chunca ganchis (17) junajnin caycaptinmi. Noëga caycaran sojta pachac (600) watayoj. Syëlucho yacuta chaparaycaj puncucunapis quichacäcuran. Tamyaycaptillanmi yacuga pacha rurinpitapis pashtacaramuran.

Génesis 8:2

Chaura pacha rurinpita yacu pashtamojpis manana pashtamurannachu. Syëlupita yacu llojshimunanpaj quicharaycaj puncupis wichgacäcuranna. Chauraga tamyapis manana tamyarannachu.

Job 26:8

Paymi pucutaycunamanpis yacuta pitucächin. Lasaywanpis pucutayga manami rachinchu.

Job 38:16

«¿Gam yaycushcanquichu pacha rurin uchcuman? Chayno ¿ricashcanquichu lamar yacu maypita pashtaycämushantapis?

Salmos 104:7

Yacuga gam piñacuptiquimi witicuran. Räyuno busniquita wiyar jinan öra aywacuran.

Salmos 146:6

Tayta Diosmi camasha syëluta, cay pachata, lamartapis, chaycunacho caycajtapis. Payga aunishancunata cumlinmi.

Proverbios 3:19

Tayta Diosga yachaj cayninwanmi cay pachatapis sumaj tacyachisha. Yarpaysapa cayninwanmi janaj pachatapis sumaj camacächisha.

Proverbios 8:27

Janaj pachaman yacuta raquiptin, allpaman yacuta raquiptin, paychömi caycarä.

Proverbios 8:29

Allpa jananman mana llojshimunanpaj lamar yacuta camacächiptin, allpa mana cuyucunanpaj sumaj tacyachiptin

Mateo 8:26

Chayno niptin Jesús niran: «¿Imanirtaj mancharircaycanqui? ¿Manachu Tayta Diosman yäracunqui?» Chayno nircorga jatarcur wayratawan yacuta piñacuran chawananpaj. Chaura wayrapis yacupis chawacäcuran.