Proverbios 8:27 - Tayta Diosninchi Isquirbichishan

²⁷ Janaj pachaman yacuta raquiptin, allpaman yacuta raquiptin, paychömi caycarä.

Proverbios 8:27 ပူးပေါင်းရင်းမြစ်များ

Job 26:10

Pachapa cuchunchöna lindata churasha junajpäwan chacaypaj.

Salmos 103:19

Tayta Diospa jamananga caycan syëluchömi. Payga intërutami mandaycan.

Salmos 136:5

Tantiyaj cayninwan syëlutapis rurajta agradësicuy-llapa. Pay cuyacoj cashanga imaycamapis chaynöllami.

Salmos 33:6

Tayta Dios niptinmi syëlupis ruracaran. Mandarcuptillanmi yuriran intipis quillapis estrëllacunapis.

Proverbios 3:19

Tayta Diosga yachaj cayninwanmi cay pachatapis sumaj tacyachisha. Yarpaysapa cayninwanmi janaj pachatapis sumaj camacächisha.

Proverbios 8:26

Chay öraga chaqui jircacunapis, ni allpapis manami caranrächu. Cay munducho ñuchu allpa caycajpis manami caranrächu.

Proverbios 8:28

Syëluman pucutayta camacächiptin, lamarcho yacu mana pishïnanpäpis camacächiptin paywanmi caycarä.

Isaías 40:11

Payga pushaycämun juc uyshëru uyshancunata michejnömi. Uyshëruga uysha-mallwacunata margacurcurmi apan. Cuyashpanmi margasha apan. Chayraj wachashacunatapis allimi rican.

Isaías 40:22

Tayta Diospaga jamanan caycan syëlupa jananchömi. Runacunataga chuspitanöllami ricaycämanchi. Paymi syëlutaga llantucunatanöpis mashtacächiran. Toldu wasi lluylluraycajta runa ichichir mashtajnömi mashtaran.

Jeremías 10:12

Tayta Diosmi munayninwan cay pachata camasha. Fiyupa yachaj cayninwan cay munduta tacyachisha. Yarpaysapa cayninwan syëlutapis camacächisha.

Colosenses 1:16

Paywanmi Tayta Diosga camaran llapan ima-aycatapis syëlucho cajcunata cay pachacho cajcunata, ricacajcunata mana ricacajcunata, munayniyoj anjilcunata, espiritucunatapis. Llapantapis camaran Jesucristuwanmi y paypa maquincho cananpämi.

Hebreos 1:2

Canan wichanmi ichanga Wamran Jesucristutana Tayta Dios cachamusha munashanno cawanapaj tantiyachimänanchïpaj. Wamranwanmi mundutapis ruraran. Nircur Wamrantami churasha llapantapis maquincho chararänanpaj.