Proverbios 8:21 - Tayta Diosninchi Isquirbichishan

²¹ Cuyar yachacamajcunataga ima-aycatapis tarichëmi. Tarichë wasincho ima-aycanpis mana pishej cananpaj.

Proverbios 8:21 ပူးပေါင်းရင်းမြစ်များ

Génesis 15:14

Ichanga ñacachej nasyun runacunata nogapis castigashäpämi. Chaypitaga gampa castayquicuna llojshicamongapaj librinami. Paycunaga aypallawanmi ima-aycanwanpis shacamongapaj.

Salmos 16:11

Mana ushacaj cawayta tarinäpämi ricachimanqui. Gampa ñaupayquichöga amatar cushicuyllami, imaycamapis alli goyayllami.

Proverbios 1:13

Chayno rurarmi rïcuyäshun. Chaynöpami wasinchichöpis imapis mana pishëmäshunpächu.

Proverbios 10:22

Tayta Diospa bindisyunninwanmi alli cawan. Chay bindisyunwanga manami ima llaquicuypis canchu.

Proverbios 15:6

Mana yatapacoj alli runapa wasinchöga ima-aycanpis puchu-puchumi. Fiyu runapami ichanga imata tarishanpis manacajnölla ushacäcun.

Proverbios 21:20

Yachajcunapa wasinchöga ima-aycanpis juntami. Manami imapis pishinchu. Mana tantiyacojcunami ichanga ima tarishallantapis ushacurcun.

Proverbios 24:4

Yachaj cayninwanmi imatapis wasiman shuntan alli cajllata, mas chanin cuestaj cuyayllapaj cajcunallata.

Proverbios 6:31

Mana jamurparpis suwacushanta tariparga suwacushanpita ganchis cutipa mastarämi pägachenga. Chayno, jananmanpis imata charashallantapis ushajpämi guechonga.

Proverbios 8:18

Nogami camacächë rispitasha cananpaj, ima-aycayojpis cananpaj. Ima-aycata chasquinanpäpis, allicho llojshinanpäpis camacächë.

Proverbios 8:20

Nogaga llapantapis alli cajllatami camacächë. Alli cajta rurayllachömi goyä.

Mateo 25:46

Chay mana yanapäcoj runacunaga castïguchömi imaycamapis ñacangapaj. Tayta Dios munashanno yanapäcoj runacunami ichanga imaycamapis alli cawangapaj.»

Romanos 8:17

Tayta Diospa wamran carmi pay aunishan bindisyunta chasquishunpaj. Tayta Jesucristuwan iwalmi pay aunishan bindisyuntaga chasquishunpaj. Jesucristuwan iwal bindisyunta chasquinanchïpaj caycaptenga paynömi ñacashunpis.

Hebreos 10:34

Gamcunaga Jesucristuman riguir pay nishanno rurashanpita carsilcho cajcunatapis cuyapashpayqui shacyächishcanquimi. Chaymi ima-aycayquita guechushuptiquipis mana llaquiypa cachapaycushcanqui. Chayno cashcanqui syëlucho mana ushacajcunata chasquinayquipaj cashanta musyarmi.

1 Pedro 1:4

Chayno cananpaj captinmi musyanchi mana ismoj, mana ushacaj, ima ganrawanpis mana tacuraj erensyata chasquinanchïpaj cashanta. Chay erensyataga Tayta Diosninchïmi gamcunapaj caycächin.

Apocalipsis 21:7

Imano ñacarpis imaycamapis yäracamajcunaga alli cawaytami tarenga. Nogami paycunapa Diosnin cashaj. Paycunapis wamrämi canga.

1 Samuel 2:8

Tayta Diosmi pobricunatapis alliman churan. Limusnërucunatapis alliman churan. Nircur mas munayniyojcunawan jamachin. Munayniyojcunapa mandajnin cananpaj churan. Tayta Diosmi cay munduta camasha. Paymi sumaj jamachisha.