Proverbios 8:20 - Tayta Diosninchi Isquirbichishan

²⁰ Nogaga llapantapis alli cajllatami camacächë. Alli cajta rurayllachömi goyä.

Proverbios 8:20 ပူးပေါင်းရင်းမြစ်များ

Salmos 23:3

Paymi callpäta yurichin. Allinllanpami pushaman payta pï-maypis rispitananpaj.

Salmos 32:8

Tayta Diosga caynömi nin: «Gamtaga manami gongashayquichu. Nogami tantiyachishayquipaj. Nogami willapäshayquipaj. Imano goyänayquipäpis yachachishayquipaj.

Proverbios 2:20

Ïju, gam ichanga alli caminupa puriy. Allillata ruraj runacunano goyay.

Proverbios 2:9

Chauraga musyanquipämi alli cajtapis, rasun cajtapis. Tayta Dios munashanno goyaytapis musyanquipämi.

Proverbios 3:6

Imata ruraycashayquichöpis Tayta Diosllaman yäracuy. Chauraga paymi alli caminupa pusharäshunquipaj.

Proverbios 6:22

Maypa aywaptiquipis chay yachachishäcunaga allimanmi chayachishunquipaj. Ima mana allipitapis chapäshunquipämi. Riccharcuptiquinami alli yarpayta goshunquipaj.

Proverbios 8:19

Noga tarichishäga allinnin goripitapis mas allimi. Munachishäga aypalla guellaypitapis mas allimi.

Proverbios 8:21

Cuyar yachacamajcunataga ima-aycatapis tarichëmi. Tarichë wasincho ima-aycanpis mana pishej cananpaj.

Isaías 2:3

Aypalla runacunami shamunanpaj cayno parlaconga: «Aywashun-llapa, Jacobpa Tayta Diosninpa Templun caycashan jircaman wichänapaj. Chaychönami willamäshun imano goyänanchïpaj cashantapis. Chaynöpana pay munashanno llapantapis rurashun» nishpan. Jerusalenpitami Tayta Diosga yachachimäshun. Chay Sionpitanami parlapämonga.

Isaías 49:10

Chauraga yargaypis ni yacunaypis manami canganachu. Intipis, ni acaypis manami ñacachengapächu. Chaynöga canga paycunata noga cuyaptëmi, pusharaptëmi. Chuya yacu pashtajcunamanmi pushashaj.

Isaías 55:4

Paytaga noga churarä nasyuncuna ricacunanpämi, marcacunapapis mandajnin, yachachejnin cananpämi.

Juan 10:3

Canchata täpajnami paytaga puncuta quichaparin yaycunanpaj. Chay uyshëruga uyshancunata jutinpa-cama gayan. Uyshacuna busninta rejsircuptinnami uyshëruga canchapita pushan.

Deuteronomio 5:32

Chaymi canan gamcunaga Tayta Dios nishushayquinölla ruray. Juctapis mana cachaypa wiyacuy.

Apocalipsis 7:17

Tayta Diospa ñaupancho munayniyoj Cashni uyshami paycunataga uyshacunatano ricanga. Imaypis mana yacunänanpaj Paymi cawachicoj chuya yacuman pushanga. Tayta Diospa ñaupanchöga imaypis manami waganganachu.»