Proverbios 8:13 - Tayta Diosninchi Isquirbichishan

¹³ Tayta Diosta rispitaj runaga mana alli cajcunata llapantami chiquin. Nogaga chiquëmi alli-tucojta, jucha aparicojta, llapan llullacojta.

Proverbios 8:13 ပူးပေါင်းရင်းမြစ်များ

Job 1:1

Uz partichömi juc alli runa tiyaran. Llapan shongunpa Tayta Diosllata sirbej. Mana alli ruraycunataga amatar manchacoj. Paypami jutin caran Job.

Job 28:28

Nircur runacunata Tayta Dios niran: ‹Yachaj runaga Nogallatami rispitaman. Mana allita rurananpitaga manchapacuypami cawan.› »

Salmos 101:3

Manami imaypis yarpäshächu mana allicunata ruraypäga. Tayta Diosta mana rispitajcuna rurashantaga melanäcömi. Chayno mana alli ruraycunamanga manami jaticäshächu.

Salmos 119:104

Willapämashayquicunata wiyacurmi yarpaysapayashcä. Chaymi fiyupa chiquë llutan ruraycunataga.

Salmos 119:128

Chaymi nogaga willapämashayquino goyä. Llutan ruraycunataga llapantami chiquë.

Salmos 138:6

May janaj pachacho cashpanpis Tayta Diosga yanapanmi umildi runacunata. Alli-tucojcunataga carullapitanami rejsin.

Salmos 97:10

Tayta Diosta cuyajcunaga mana alli runacunapita witicuy. Payga wiyacojcunata wañuypitapis chapanmi. Fiyu runacunapitapis salbanmi.

Éxodo 1:17

Chaypis partëracunaga Diosta rispitashpanmi Egiptupa raynin nishannöga mana ruraranchu. Chaypa ruquenga ollgu wamra yurejcunapis alli cawananpaj yanaparan.

Proverbios 10:31

Alli runapitaga alli yachachicuycunatami wiyacunchi. Fiyu runacunatami ichanga alli-tucuycajta upällajpaj niycusha.

Proverbios 15:9

Fiyu runacuna llutanta rurar goyashantaga Tayta Dios fiyupa melanäcunmi. Tayta Dios munashanno goyaj runacunatami ichanga cuyan.

Proverbios 16:18

Alli-tucojcunaga ushapacangami. Jucta manacajman churajcunaga mana allimanmi chayanga.

Proverbios 16:5

Alli-tucojcunataga Tayta Dios melanäcunmi. Chaycunataga simrimi castiganga.

Proverbios 16:6

Rasunpa cuyarga juchanpita perdunanmi. Tayta Diosta wiyacorga jucha ruraypita witicunmi.

Proverbios 3:7

Ama yachaj-tucunquichu. Chaypa ruquenga Tayta Diosta manchacushpayqui jucha ruraypita witicuy.

Proverbios 4:24

Umayquipita jorgurcur manacajcunataga ama rimanquichu. Ama llullacunquichu.

Proverbios 6:12

Mana alli ruraj runacunaga llullacushpan runapa washanta rimallarmi purin.

Isaías 13:11

Tayta Diosmi nin: «Allpacho tiyajcunataga ushajpämi illgächishaj. Mana allita rurashanpitami runata castigashaj. Mana rispitacojcunatawan alli-tucojcunatapis pengaymanmi churashaj. Alli-tucoj fiyu runacuna manami canganachu.

Amós 5:15

Mana alli cajtaga chiquiy. Alli cajtaga cuyay. Gamcunaga yarpay despächucunachöpis alli arriglayta. Chaura munayniyoj Tayta Diosga capaschari cuyapaycushunquimanpis quëdasharaj caycaj Israelcunata.

Amós 6:8

Tayta Diosga quiquinpa jutinchömi jurasha. Munayniyoj Tayta Diosga caynömi nin: «Jacobpita mirar-aywajcuna alli-tucushanga fiyupami rabyachiman. Palasyuncunatapis melanäcömi. Chaypitami paycunataga siudänintinta cachapaycushaj chiquejcunapa munayninman.»

Zacarías 8:17

Jucniqui-jucniquipis ama mana allita ruranacuynachu. Chayno manacajpitapis ama juraychu. Chaycunataga pasaypami melanäcö. Noga Tayta Diosmi chayno në.»

Romanos 12:9

Janan shongulla cuyanacunayquipa ruquenga llapan shonguyquiwan jucniqui-jucniquipis cuyanacuy. Mana allicunata ruranayquipäga yarpayllapis ama yarpaychu. Chaypa ruquenga mana alli ruraycunata cachaycur allillata rurar caway-llapa.

1 Tesalonicenses 5:22

Llutanta rimaptenga ama chasquipanquichu.

2 Timoteo 2:19

Chaypis Tayta Diosninchïpa alli willacuynenga wasipaj simintuta alli jatarachishanömi caycan. Chaymi palabrancho cayno isquirbiraycan: «Yäracojcunataga Tayta Dios rejsinmi» nir. Yapaypis nin: «Tayta Diosman yäracojcunaga ama juchata rurachunnachu» nir.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»

1 Samuel 2:3

«Pipis ama alli-tucur rimachunchu. Pipis ama puydej-tucuchunchu. Tayta Diosga imatapis llapantami musyan. Payga rurashan-tupumi runata jusgan.