Proverbios 7:7 - Tayta Diosninchi Isquirbichishan

⁷ Ricapaycarä mana tantiyacoj mösucunata. Chaycho ricapaycarä mas mana yarpachacoj mana tantiyacoj caj mösuta.

Proverbios 7:7 ပူးပေါင်းရင်းမြစ်များ

Job 24:15

Majayoj caycar jucpa majanwan cacojcunaga pacha chacarcunallantami shuyaraycan. Pacha chacarcuptenga cäranta sumaj chapacun ‹Caynötaga pipis manami rejsimangachu› nir yarpashpan.

Salmos 119:130

Palabrayquiwan tantiyachiptenga mana yachaj runapis allimi tantiyan.

Salmos 19:7

Tayta Diospa mandamintonga llapanpis allillami. Alli cawaytami tarichimanchi. Tayta Dios nishanga llapanpis cumlicanmi. Umildicunataga llapantami tantiyachimanchi.

Proverbios 1:22

«Mana tantiyacojcuna, ¿imaycamaraj llutancunallapaj yarparaycanqui? Pitapis mana cäsoj mösucuna, ¿imaycamaraj pï-maytapis asipar cushipanqui? Yarpayniynaj mösucuna, ¿imaycamaraj yachaj caytapis manacajman churarcaycanqui?

Proverbios 1:32

Mana tantiyacojcunaga mana tantiyacushanpitami wañuymanpis chayan. Tantiyacuyta mana munajcunapis imapäpis mana yarpachacushpanmi ushacan.

Proverbios 1:4

mana yarpachacoj mösucunata tantiyachinanpaj, yarpaysapa cananpaj.

Proverbios 10:13

Yachajcuna parlashanchöga fiyupa yachaycunallatami wiyanchi. Mana tantiyacojcunami ichanga mana wiyacushanpita wirucanga.

Proverbios 12:11

Chacracho arojcunapaga micuyninpis manami pishinchu. Mana yarpachacoj guellacunami ichanga manacajllapaj arun, ruran.

Proverbios 14:15

Mana tantiyacojcunaga imatapis wiyashanta llapantami riguicurcun. Yarpaysapacunami ichanga imatapis manaraj rurar sumaj yarpachacunraj.

Proverbios 14:18

Mana tantiyacojcunaga imaypis upa cayllanchömi carcaycanga. Tantiyacur wiyacojcunami ichanga canga sumaj yachaj.

Proverbios 19:2

Mana yarpachacuyllapa imatapis juclla rurashaga manami allichu. Mana yarpachacuyllapa imatapis rurarga pantanmi.

Proverbios 19:25

Shimisapa runata castigaptinmi mana tantiyacöga yachacun. Alli tantiyacoj yachaj runami ichanga juc willapayllacho yachacun.

Proverbios 22:3

Alli tantiyacoj runaga mana alliman chayananpaj cashanta musyar witicunmi. Mana tantiyacoj runami ichanga mana cäsupaypa aywar fiyupa ñacayman chayan.

Proverbios 24:30

Guella runapa chacranpa aywashcä. Mana yarpachacoj runapa übas chacranpapis purimushcä.

Proverbios 27:12

Alli tantiyacoj runaga mana alliman chayananpaj cajta musyar witicunmi. Mana tantiyacoj runami ichanga imatapis mana cäsupaypa aywar chayan fiyupa ñacayman.

Proverbios 5:1

Ïju, yachachishäcunata sumaj wiyacuy. Yachaj caynëwan willapashätaga sumaj yarparay.

Proverbios 6:20

Ïju, taytayqui willapäshushayquicunata sumaj wiyacuy. Mamayqui taytayqui yachachishushayquicunata ama gongaychu.

Proverbios 6:32

Runapa warminwan cacöga mana tantiyacoj upa runami. Chayno carga quiquillanmi pirdican.

Proverbios 8:5

Tantiyacuyta mana munaj mösucuna, yarpayniyoj canayquipaj yachacuy.

Proverbios 9:16

«Mana tantiyacoj upa mösucuna caypa shamuy» nir. Mana tantiyaj yarpayniynajcunatana gayacachin:

Proverbios 9:4

«Mana tantiyacoj mösucuna cayman shamuy» nir. Wallca yarpayniyojcunata gayacusha

Jeremías 4:22

Chaura Tayta Dios niran: «Acrashä runacunaga upa, mana tantiyacojmi. Manami rejsimanchu. Mana tantiyacoj yarpayniynaj wamräcunami. Allita ruraytaga manami yachanchu. Mana allita ruraytami ichanga fiyupa yachan.»

Mateo 15:16

Niptin Jesús niran: «¿Gamcunapis manachu tantiyanquiraj?