Proverbios 6:12 - Tayta Diosninchi Isquirbichishan

¹² Mana alli ruraj runacunaga llullacushpan runapa washanta rimallarmi purin.

Proverbios 6:12 ပူးပေါင်းရင်းမြစ်များ

Salmos 10:3

Fiyu runacunaga quiquincuna alli cashanta yarparmi alabacun. Yargajcunaga Tayta Diosta manacajman churarmi disprisyan.

Salmos 10:7

Paycunaga manacajcunatami llullacun, engañacunmi, ashllicunmi. Shimi puncullanchömi caycan pitapis imatapis ninanpaj.

Salmos 101:3

Manami imaypis yarpäshächu mana allicunata ruraypäga. Tayta Diosta mana rispitajcuna rurashantaga melanäcömi. Chayno mana alli ruraycunamanga manami jaticäshächu.

Salmos 36:3

Paycunaga mana allita parlajllami, llullacojmi. Yarpaynin mana captinnami allitaga mana rurannachu.

Salmos 59:7

Shimin tarishantami rimarcaycan. Pipis mana wiyashanta yarparmi pï-maytapis ashllin.

Proverbios 10:32

Alli runaga maysi wiyaparäcuyllami parlan. Fiyucunami ichanga mana allicunallata riman.

Proverbios 11:6

Alli runacunataga allita rurashanmi salban. Yargajcunaga juchan-tupumi mana alliman chayachin.

Proverbios 16:27

Fiyu runaga rataycaj jurnunömi. Llapan rimashancunapis caycan ninapa wapchayninnörämi.

Proverbios 16:30

Mana allita rurayta yarpajcunaga ñipchipayllapami sëñata rurashunqui. Mana allita rurariycorga shimi wirpanta amucurcun.

Proverbios 17:4

Fiyu runaga llullacuna imata nishantapis wiyaj-wiyajllami caycan. Llulla runanami shimita juc goshancunata chasquin.

Proverbios 2:12

Chaypitami llutan mana alli ruraycunapitapis chapäshunquipaj. Juchasapa runacunapitapis salbashunquipaj.

Proverbios 3:32

Fiyu runacunataga Tayta Dios melanäcunmi. Alli runacunatami ichanga alli rican.

Proverbios 4:24

Umayquipita jorgurcur manacajcunataga ama rimanquichu. Ama llullacunquichu.

Proverbios 6:14

Mana allicunallatami yarpanpis. Mana allicunata yarpachacuraycällarmi purinpis. Pï-maytapis inrïduta rurallarmi purinpis.

Proverbios 8:13

Tayta Diosta rispitaj runaga mana alli cajcunata llapantami chiquin. Nogaga chiquëmi alli-tucojta, jucha aparicojta, llapan llullacojta.

Jeremías 24:2

Jucaj canastachöga caycasha ñaupa pogoj caj ïgus maysi micucuyllami. Jucajchöna caycasha mana alli caj ïgus mana micuypaj, melanaypaj.

Mateo 12:34

¡Culebra casta runacuna! Yarpayniqui mana alli caycaptenga ¿allita parlanquimanchuraj? Runaga shongun yarpashantami parlan.

Hechos 20:30

Chayno llutanta yachachicojcunaga quiquiquicunapitami yurenga. Llutanta yachachiptin waquin ermänucunaga paycunatami gatirpanga.

1 Timoteo 5:13

Nircurpis wasincho ruraynincunata cachaycur wasincaylla purin runapa washanta rimar, runapa bïdanta ashir.

Santiago 1:21

Chaymi mana alli ruraycunataga cachaycuyna. Chaypa ruquenga Tayta Diospa alli willacuyninta sumaj wiyacuy. Chayno wiyacojcunataga Tayta Diosmi salbanga.

Santiago 3:6

Shiminchïpis shanshanömi caycan. Juchaman chayachimänanchïpäpis munayniyojmi. Quiquinchïtapis usharamashwanmi. Chay ninata noganchïcho ratarachëga caycan dyablumi.

1 Samuel 17:28

Chayno parlaycajta wiyar Davidpa mayur wauguin Eliabga rabyacurcuran. Chaymi niran: «¿Imamantaj shamushcanqui? Chunyajcho wallcalla uyshanchi caycajtaga ¿pitaj ricaycan? Nogaga musyämi mal jinyu cashayquita, llutanta yarpashayquita. Pillya ricajllami shamushcanqui.»