Proverbios 31:9 - Tayta Diosninchi Isquirbichishan

⁹ Upällallaga ama cacuychu. Llapantapis alli arriglay. Pobricunatawan umildicunataga washay ari.

Proverbios 31:9 ပူးပေါင်းရင်းမြစ်များ

2 Samuel 8:15

Davidga llapan Israelcunapa raynin cashpan llapanta iwalmi ricaran. Alli arregluta ruraj. Pitapis mana chapajchu.

Job 29:12

Chaynöga parlaj wacchacunata, pobricunata, pipis mana yanapashan runacunata yanapanyaptëmi.

Salmos 82:3

Pïninpis mana caj wacchacunataga alli arriglay. Pobricunataga pishëpacojcunataga alli arriglay.

Proverbios 16:12

Raycunaga mana alli ruraycunata melanäcunmi. Rayga alli mandan llapanpis allillata ruraptinrämi.

Proverbios 20:8

Arriglananpaj despächunman jamaycur rayga rasunpa juchayojcunataga ricapärillarmi rejsirin.

Proverbios 29:7

Alli runaga tantiyanmi pobri runacuna imano goyaycashantapis. Fiyu runatami ichanga imapis mana gocunchu imano goyashanpis.

Isaías 1:17

Allillatana rurayta yachacuy ari. Rasun cajllatana ruranayquipaj sumaj yarpachacuy ari. Ñacaycajcunata yanapay. Alli cajta rurashpayqui wacchacunata alli arriglay. Biyüdacunatapis yanapay.»

Isaías 1:23

Mandajniquicunapis Tayta Diosta manami wiyacunchu. Paycunaga suwacunapa amiställanmi. Paycunaga munarcaycan pacayllapa päguta chasquiytami. Munarcaycan imapitapis imallatapis päganantami. Wacchacunataga manami alli arriglanchu. Biyüdacuna dimandacuptinpis manami cäsunchu.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Jeremías 22:3

Gamcunaga alli cajllata ruray. Ñacachejcunapa maquincho ñacaycajcunata jorguy. Juc-lä runacunata, wacchacunata, ni biyüdacunatapis ama ñacachiychu. Cay partichöga alli runacunata ama wañuchiychu.

Jeremías 23:5

«Juc junäga Davidpita lijïtimu mirar aywajnami ray cangapaj. Payga alli yachaj cayninwanmi mandangapaj. Cay nasyunchöga alli cajllatanami rurangapäpis.

Jeremías 5:28

Cananga alli allita micucarcärirmi werayasha carcaycan. Mana allita ruraytaga manami jamanchu. Pïninpis mana caj wacchacunatapis manami alliga arriglanchu. Pobricunatapis manami yanapanchu.

Daniel 4:27

Chaymi tayta ray, gamga ruray noga nishänölla. Amana mastaga juchata ruraynachu. Amana mana allicunata ruraynachu. Chaypa ruquenga pobricunatana yanapay. Chayno allillata rurarga capaschari canan goyaycashayquinölla goyanquiman.»

Levítico 19:15

«Autoridä car derëchu canqui. Pobritapis juchanpitaga ama chapanquichu. Ni rïcucunatapis juchanpitaga ama chapanquichu. Autoridä carga alli arriglanqui.

Zacarías 7:9

«Nogaga caynömi në: Gamcunaga allillata ruray. Pï-maypäpis alli cay. Jucniqui-jucniquipis cuyapänacuy.

Zacarías 9:9

«¡Fiyupa cushicuy Sión lömacho caycaj siudä! ¡Cushicuypita cantay Jerusalén siudä! Gamcunamanga allillata ruraj, llapanta binsej, umildi rayniquimi aywaycämun bürrullan muntasha. Cargacuna bürrupa wawan muntashami aywaycämun.

Juan 7:24

Imatapis sumaj mana tantiyarga ama llutanta parlanquimanchu. Rimanayquipäga sumajraj tantiyacunquiman.»

Deuteronomio 1:16

Chay örami juezniquicunata willapar nirä: ‹Dimanduta churamuptin chasquir iwalninta arreglanqui. Famillyayqui captinpis, jäpa captinpis ama mayganpapis faburnin jatarinquichu.

Hebreos 1:9

Alli cajta cuyanqui, mana alli cajta chiquinqui. Chaymi gamtaga Tayta Diosniqui acrashurayqui. Waquin yanasayquicunapitami acracushurayqui. Sumaj cushicachishurayqui.»

Apocalipsis 19:11

Chaypitanami ricarä janaj pachapa puncun quicharaycämojta. Yuraj cawallun muntasha caycajtapis ricarä. Muntaraycäga caran nishanta cumlejmi. Paymi pitapis mana chapaypa juchancunapita jusganga.

1 Samuel 19:4

Jonatanga Davidpa faburnin rimar papänin Saulta niran: «Tayta, ¿imanirtaj wañuchiyta munanqui uywayniqui Davidta? Gamtaga manami imatapis mana allita rurasha-cashunquichu. Allillatami rurasha.

1 Samuel 20:32

Chaura Jonatán niran: «¿Imapitataj wañunman? ¿Imachötaj ufindisha-cashunqui?»