Proverbios 30:2 - Tayta Diosninchi Isquirbichishan

² Nogaga cä llapan runapitapis mas mana tantiyacoj upami. Manami runapa yarpayninnöchu nogapa yarpaynëga.

Proverbios 30:2 ပူးပေါင်းရင်းမြစ်များ

Salmos 49:10

Ricashanchïnöpis llapanmi wañun. Musyaj-yachajcunapis, upacunapis wañunmi. Llapan ima-aycanpis jucpänami quëdan.

Salmos 73:22

Pasaypa mana tantiyaj runami cashcä. ¡Ñaupayquichöga caycarä juc animalnömi!

Salmos 92:6

Chaymi mana tantiyacunchu llutan ruraj runacunaga.

Proverbios 12:1

Corrijiptin wiyacur alli tantiyacöga yachaj caytami munan. Piñacuptin mana wiyacojmi ichanga mana tantiyacoj upa.

Proverbios 30:1

Caycunaga caycan Masa partipita Jaquëpa wamran Agur rimashancunami. Agur willaparan Itieltawan Ucalta.

Proverbios 5:12

Chayrämi ninquipaj: «Imanir-raj willapämashancunata manacajman churarä. Piñacamaptin, imanir-raj mana wiyacurächu.

Isaías 6:5

Chaymi nogaga gapachacur nirä: «¡Ay, cananga wañushächari! Nogaga juchayoj runa caycashpämi, juchasapa runacunawan tiyaycashpämi caway-ñawëpa ricashcä munayniyoj Tayta Diosta. Rayninchi Tayta Diostami ricashcä» nir.

Jeremías 10:14

Runacunaga llapanpis upami, imatapis mana tantiyajmi. Ïduluncunaga ruraj runatapis pengacachinmi. Rurashan ïdulucunaga mana bälejmi, mana cawajmi.

Romanos 11:25

Ermänucuna, gamcunaga achcatami mana musyanquirächu. Chaymi canan willashayqui Tayta Dioslla musyashancunata. Waquin Israelcuna Jesucristuman pasaypa mana yäracuyta munanchu mana Israel runacunapita Tayta Dios acrashan cajcuna Jesucristuman yäracunancamallami.

1 Corintios 3:18

Chaymi sumaj tantiyacushun. May-jina yachaj carpis ama yachaj-tucushunchu. Chaypa ruquenga Tayta Diosninchi yarpashanta tantiyacushun. Chayrämi yarpaysapa cashunpaj.

1 Corintios 8:2

Pipis «sumaj yachajmi cä» nir yarparga manarämi rasunpa yachananpaj cajta yachacunrächu.

Santiago 1:5

Tayta Diosninchi munashanno goyänayquipaj cashayquita mana tantiyarga mañacuy tantiyachishunayquipaj. Mañacuptiquega yanapäshunquipämi. Mañacoj cajtaga mana pengacachiypami yanapan.