Proverbios 3:4 - Tayta Diosninchi Isquirbichishan

⁴ Chayno alli cawaptiquega Tayta Diospis allimi ricashunquipaj; runacunapis rispitashunquipämi.

Proverbios 3:4 ပူးပေါင်းရင်းမြစ်များ

Génesis 39:21

Tayta Dios Josëwan carmi imachöpis yanaparan. Chaynöpami carsilcho cuydaj runapis payta alli ricaran.

Salmos 111:10

Rasunpa yachaj canapäga rimëru Tayta Diostami rispitaypaj. Tayta Diosta rispitajcunaga alli yarpayniyojmi. ¡Tayta Diosga imaypis alabashami canga!

Proverbios 12:2

Alli runataga Tayta Dios allimi yanapan. Mana allita rurayta yarpajcunatami ichanga castigan.

Proverbios 13:15

Alli yarpayniyöga pï-maypitapis alli ricashami canga. Llullacunami ichanga mana alliman chayan.

Proverbios 8:35

Nogata tarimaj cäga imaycamapis cushishami cawanga. Tayta Diospis allimi rican.

Daniel 1:9

Palasyucho mandäga Dios shacyächiptinmi Danielta alli ricaran.

Lucas 2:52

Jesusga wiñayllan-tupumi mas-mas yarpaysapa caran. Tayta Diospis runacunapis paytaga allimi ricaran.

Hechos 2:47

Paycunaga Tayta Diosninchïta alabar goyaj. Chaymi llapan runacuna paycunata alli ricaj. Chaynöpami Tayta Diosninchïman yäracojcunaga waran-waran yapacaycaj.

Romanos 14:18

Chayno Jesucristuta sirberga Tayta Diosninchi munashantami ruraycanchi. Chayno cawashaga manami pipis jamurpämäshunchu.

2 Corintios 8:21

Llapantapis allillatami rurayta munä Tayta Dios ricaycämaptinpis llapan runacunapa ñaupanchöpis.

1 Samuel 2:21

Tayta Dios bindisyunta goptinmi Anaga gueshyaj ricacoj. Anapaga wamran caranraj quimsa ollgu, ishcay warmi. Samuelnami wiñayllan-tupu Tayta Dios munashannölla cawaj.

1 Samuel 2:26

Samuelga jatunyaycaranna. Ima rurashancunapis allimi caran runacunapäpis Tayta Diospäpis.