Proverbios 3:18 - Tayta Diosninchi Isquirbichishan

¹⁸ Yachacojcunata yachayga allimi goyächin. Pipis yachaj cäga cushishami cawanga.

Proverbios 3:18 ပူးပေါင်းရင်းမြစ်များ

Génesis 2:9

Chay wertachömi Tayta Dios wiñachimuran tucuy-niraj cuyayllapaj yöracunata. Chaycunapa wayuynin alli caycaran runa micunanpaj. Werta chaupinchöna caran ishcay yöracuna. Juc yörapa wayuynin caran runa micuptin imaycamapis cawachinanpaj. Jucaj yörapa wayuyninta micuptinna caran alli cajta mana alli cajtapis runa musyananpaj.

Génesis 3:22

Nircur Tayta Dios niran: «Canan runaga noganchïnönami caycan. Musyannami alli cajta mana alli cajtapis. Cayllacho tiyaycarga micucurcunmanchi imaycamapis cawachicoj yörapa wayuyninta. Chayta micucurcorga imaycamapis cawangami. Chaymi cay wertachöga ama tiyachunnachu.»

Proverbios 11:30

Allita ruraj runacunaga alli wayoj yöranömi. Yachaj runaga allita rurashpanmi runacunata mana ushacaj cawayta tarichin.

Proverbios 13:12

Runaga yarpashanta mana tariycur fiyupami llaquicun. Llapan yarpashancunata tarirmi ichanga fiyupa cushicun.

Proverbios 15:4

Alli shimillanpa parlajcunaga alli allpacho caycaj yöranömi. Nina shimi runami ichanga runa-masinta llaquicachin.

Proverbios 4:13

Willapar yachachishushayquicunataga umayquiman sumaj churacuy. Ama gongaychu. Willapäshushayquicunata wiyacorga allimi goyanquipaj.

Proverbios 8:32

«Wamräcuna, canan willapashätaga sumaj wiyacuy. Yachachishäno cawarga cushishami goyanquipaj.

Proverbios 8:34

Yachachishäta wiyacoj runaga fiyupa cushishami canga. Wiyamänanpaj wasë puncucho shuyämajcunaga cushishami goyanga.

Eclesiastés 7:12

Yachaj cayga imapitapis chapacunmi. Guellaypis llapanpitami chapan. Chaypis yachaj caj runaga mas alli cawaytami tarin.

Apocalipsis 2:7

«Wiyajcunaga Espíritu Santu yachachishanta sumaj tantiyacuchun. Imano ñacarpis imaycamapis yäracamajcunataga Tayta Diospa ñaupancho imaycamapis cawachicoj yörapa wayuyninta micunanpämi goshaj.

Apocalipsis 22:2

Siudäpa jatun cällin chaupinpami chay mayu aywaycaran. Cuchuncunachömi imaycamapis cawachicoj yöracuna caycaran. Chay yöracunami cada quilla wayoj. Yörapa wayuyninta micur runacuna manami wañurannachu. Öjancunanami llapan nasyun runacunapaj jampi caran.