Proverbios 29:26 - Tayta Diosninchi Isquirbichishan

²⁶ Runacunaga llapan-japuymi mandajnin cuyapänanta munan. Chaypis Tayta Diosllami llapantapis arriglanga.

Proverbios 29:26 ပူးပေါင်းရင်းမြစ်များ

Génesis 43:14

Llapanpaj munayniyoj Tayta Dios gamcunata chay runawan cuyapaycachishunqui jucaj wauguiquitapis cachaycunanpaj, Benjamintapis mana imatapis rurananpaj. Llapan wamräcunata ogranä captenga ¿imanäshätaj ari?»

2 Samuel 14:1

Wamran Absalonpaj David fiyupa llaquicurpis cutichimuyta mana munashantami Sarviapa wamran Joab tantiyaran.

Nehemías 1:11

Tayta Dios amatarmi ruwacö mañacamushäta wiyamänayquipaj. Chayno wiyaycuy ari sirbishojcuna mañacamushushayquitapis. Llapanëpis gamta rispitayllatami munaycä. Chaynöpis gamta ruwacamö yanapämänayquipaj. Gam camacächiy ari tayta nogata ray cuyapämänanpaj.» Chay wichan nogaga caycarä ray Artajerjes upunanpaj bïnu apapajninmi.

Ester 4:16

«Gamga cay Susa siudächo caycaj Israel runacunata shuntay. Nircur chay runacunawan quimsa junaj y quimsa pagas ayunay yarpaycashäno cananpaj. Nogapis uywaynëcunawan ayunashaj. Nircur laycho nishanno mana captinpis ray cajman aywashaj. Wañuchimaptenga jina wañuchishachari cashaj.»

Salmos 20:9

Tayta Dios, rayta yanapaycuy binsinanpaj. ¡Mañacamuptëcunapis yanapaycamay ari!

Salmos 62:12

Payllami munayniyoj y cuyacöga. Paymi cada runata cutichin rurashanman-tupu.

Proverbios 16:14

Ray ollgucurcuptenga wañuchichinanpaj cashan musyacannami. Yachajcunami ichanga rayta ollguycajtapis alliyächin.

Proverbios 16:15

Ray cushishalla captenga runacunapis allilla goyaytami yarpan. Ray allilla carga timpuncho tamya tamyamushannömi cushicachin.

Proverbios 16:33

Imata rurananpäpis runaga surtitami jitan. Chaypis Tayta Diosrämi camacächin.

Proverbios 16:7

Tayta Dios munashanno runa cawar alli goyaptenga chiquipajcunawanpis allina goyänanpämi camacächin.

Proverbios 19:21

Runaga ima-aycata ruraytapis yarpanmi. Chaypis Tayta Dios camacächishan cajllami camacan.

Proverbios 19:6

Achcajmi rïcupa maquintaga rispitar muchan. Tarichicojtapis llapanmi ashin amïgun cananpaj.

Proverbios 21:1

Tayta Diospa ñaupancho rayga caycan sicyapa yacu aywajnömi. Tayta Diosmi munashanpa pushan.

Isaías 49:4

Ichanga noga yarparä: «Yangallapämi arushcäpis. Manacajllachömi callpätapis ushashcä. Chayno carpis Tayta Diospa maquinchömi caycä. Arushäpita imano cutichimänanpäpis Tayta Diospa munayninchömi caycan» nir.

Daniel 4:35

Paypäga manami imapischu cay pachacho tiyaj runacunaga. Payga munashannömi imatapis ruran, janaj pachacho cay pachachöpis. Paytaga manami pipis ichipanchu. Manami pipis tapunpischu ‹¿imanirtaj chayno rurashcanqui?› nir.

1 Corintios 4:4

Nogaga ima mana allitapis manami rurashcächu. Ichanga manami «juchaynaj cä» nëmanchu. Tayta Diosmi juchayoj o juchaynaj cashätapis jusgamanga.