Proverbios 29:22 - Tayta Diosninchi Isquirbichishan

²² Imallapitapis juclla rabyacäcoj runaga pï-maywanpis jucllami rimanacun. Chayno cashpanmi llutancunata ruran.

Proverbios 29:22 ပူးပေါင်းရင်းမြစ်များ

Génesis 49:7

Nogaga melanäcömi gamcuna rabyar rurashayquita. Chaypitami gamcunataga mashtaypa-mashtarishayqui. Chaura intëru Israel nasyunchömi tallucasha caycangapaj.

Proverbios 10:12

Chiquinacuyga pitapis pillyachinmi. Cuyanacuywanga mana allita ruranacushanpitapis perdunanacunmi.

Proverbios 14:17

Imallapitapis rabyaj runacunaga mana yarpachacuypami imatapis ruran. Fiyu runacunaga wacpita caypita chiquishami goyanga.

Proverbios 15:18

Mana rabyaj runaga rimanacuytapis chawächinmi. Imallapitapis rabyacoj runami ichanga juclla piwanpis rimanacun.

Proverbios 17:19

Rimanacoj yachacashaga imaypis pillyallatami ashiycan. Alabacojcunaga quiquillanmi mana alliman chayan.

Proverbios 22:24

Fiyu runacunawanga rabyaj runacunawanga ama goturanquichu; ni ama amïgupis canquichu.

Proverbios 26:21

Carbunwanrämi ninaga shanshan. Yantawanrämi ninapis ratan. Chaynömi washa-rimacunapis pitapis rimanacachiyta, pillyachiyta gallarachin.

Proverbios 27:17

Fyërrutaga fyërru-masinwanmi afilan. Chaynömi runapis jucwan parlar masta yachacun.

Proverbios 29:21

Tacsha cashanpita-pacha uywayniquita munashanno goyäcunanpaj cachaycusha captiquega jatunyarga umayquita nanächir fiyupami llaquicachishunquipaj.

Proverbios 30:33

Musyashayquinöpis lëchita gaywerga mantiquillatami jorgunqui. Callpaycur-callpaycur sinyaptenga senganpita yawarmi llojshimun. Chaynömi runa-masinta achäquita ashipajpis pillyayman chayanga.

Santiago 3:16

Chiquinacullar nanaparänacullar goyarga manami alli goyanchu. Chayno goyarga mana alli rurayllachönami goyan.