Proverbios 29:20 - Tayta Diosninchi Isquirbichishan

²⁰ ¿Mana yarpachacuypa parlaj runata wiyashcanquichu? Chayno runapitaga mana tantiyacoj upa runapis allirämi canman.

Proverbios 29:20 ပူးပေါင်းရင်းမြစ်များ

Proverbios 14:29

Jinan öra mana rabyaj runaga alli yarpayniyojmi. Jinan öra rabyacurcojmi ichanga upa mana tantiyaj cayninta musyachicun.

Proverbios 19:2

Mana yarpachacuyllapa imatapis juclla rurashaga manami allichu. Mana yarpachacuyllapa imatapis rurarga pantanmi.

Proverbios 21:5

Sumaj yarpachacurcur rurashanga llapanpis allimi llojshin. Mana yarpachacuypa rätu rurarejcunapami ichanga mana alli llojshin.

Proverbios 26:12

¿Yachaj-tucoj runata ricashcanquichu? Chayno runapitaga mana tantiyacoj upa runapis allirämi canman.

Proverbios 29:11

Mana tantiyaj upa runa rabyarga llapan yarpashantami riman. Alli tantiyaj runami ichanga rabyarpis rabyan rätulla.

Proverbios 29:19

Uywaynintaga manami shimillawanchu tantiyachin. Tantiyaycarpis shimillapa nishantaga manami ruranchu.

Proverbios 29:21

Tacsha cashanpita-pacha uywayniquita munashanno goyäcunanpaj cachaycusha captiquega jatunyarga umayquita nanächir fiyupami llaquicachishunquipaj.

Eclesiastés 5:2

Juclla imatapis Tayta Diosta ninayquipa ruquenga yarpachacuriyraj. Musyashayquinöpis Tayta Diosga syëluchömi caycan, gamga cay pachallachömi. Chaymi upällacunqui imatapis mana rimanayquipaj.

Santiago 1:19

Cuyashä ermänucuna sumaj yarpachacuy: Yachaj-tucur alläpa parlayga manami allichu. Waquinpis parlananpaj upälla cacunqui. Mana yarpachacuypa llutancunata parlanayquipa ruquenga sumajraj yarpachacuy imata parlanayquipäpis. Llutallapis ama rabyacuychu.