Proverbios 29:18 - Tayta Diosninchi Isquirbichishan

¹⁸ Tayta Diosta mana wiyacorga runacuna llutanta rurallarmi goyan. Tayta Diospa laynin niycashanno cumlejcunami ichanga cushisha goyanga.

Proverbios 29:18 ပူးပေါင်းရင်းမြစ်များ

2 Crónicas 28:19

Tayta Dios camacächisha caran Judäcuna pengaycho cananpaj. Judäpa raynin Acazmi juchata rurachiran. Quiquin Acazpis Tayta Diosta manana rispitarannachu.

Salmos 106:3

Rasun cajllata, alli cajllata ruraj cajcunaga cushishami cawanga.

Salmos 119:1

Cushishami cawanga juchata mana rurajcunaga, Tayta Dios yachachishancunata cumlejcunaga.

Salmos 119:2

Cushishami cawanga Tayta Diospa estatutuncunata wiyacojcunaga, llapan shongunpa Tayta Diosman yäracojcunaga,

Salmos 19:11

Mandamintuyquicunaga yachachimanmi. Cumlejcunaga alli cawaytami tarenga.

Salmos 74:9

Bandëräcunapis mananami ichirpannachu. Profëtacunapis mananami cannachu imaycama chaynölla canäcunapaj cashanta willamänanpaj.

Éxodo 32:25

Moisés tantiyacuranna Israelcunata pusharänanpaj mana pipis cashanta. Aaronga mana imata ruraytapis camäpacushachu caran. Chaynöpis tantiyacuranna chiquejcuna cushipänanpaj cashanta.

Proverbios 19:16

Mandamintuta cumlejcunaga alli cawaytami tarenga. Yachachishanta manacajman churajmi ichanga wañuyta tarenga.

Proverbios 29:19

Uywaynintaga manami shimillawanchu tantiyachin. Tantiyaycarpis shimillapa nishantaga manami ruranchu.

Proverbios 8:32

«Wamräcuna, canan willapashätaga sumaj wiyacuy. Yachachishäno cawarga cushishami goyanquipaj.

Oseas 4:6

«Acrashä runacunaga manami mayganpis ‹gammi Diosnë canqui› nimashachu. Chaypitami paycunaga ushacaycan. Ni gamcunapis cüracuna manami ‹Diosnë› nimashcanquinachu. Chaypitami mana munänachu cürä canayquitapis. Gamcunaga yachachicuynëta gongaycärishcanquimi. Chaynöllami nogapis gongaycushaj gamcunapita mirar aywajcunata.

Mateo 9:36

Runacuna shuntacasha carcaycajta ricashpan Jesusga cuyapaj. Uyshëruynaj, ogracasha llaquisha uyshacunano caycajta ricarmi Jesús cuyaparan.

Lucas 11:28

Niptin Jesús niran: «Chaypa ruquenga cushisha cawanga Tayta Dios willacachishanta wiyar rurajcunami.»

Juan 13:17

Cay nishäcunata alli tantiyacorga, llapantapis nishänölla cumlerga cushishami cawanquipaj.

Santiago 1:25

Jesucristupa willacuyninta wiyar jucha rurashanchïcunata cacharirmi ichanga espëjucho ricacur cäranchïcho ganrata mayllacojno caycanchi. Chayno goyashaga Tayta Diosninchi imachöpis yanapämäshunmi.

Apocalipsis 22:14

Cushishami cawanga röpanta tagshacojnöpis juchancunapita arpinticojcunaga. Chaymi imaycamapis cawachicoj yörapa wayuyninta miconga. Mushoj Jerusalén siudämanpis yayconga.

1 Samuel 3:1

Wamra Samuelga cüra Elí nishanta rurashpan Tayta Diosta sirbiycaran. Chay wichan Tayta Dios manami llutallaga pitapis willapajchu. Imatapis manami musyachejchu.