Proverbios 28:27 - Tayta Diosninchi Isquirbichishan

²⁷ Pobricunata yanapajtaga manami imapis pishengachu. Mana yanapajcunatami ichanga ñacajcuna maldisyunta gonga.

Proverbios 28:27 ပူးပေါင်းရင်းမြစ်များ

Proverbios 11:24

Pitapis macyaycöga imallatapis mas-mastami tarin. Pitapis mana macyaycoj cajcunami ichanga muchupacayman chayan.

Proverbios 11:25

Millgaycoj macyaycoj cajcunaga cushishami goyanga. Pitapis goycorga quiquinpis allitami chasquin.

Proverbios 11:26

Micuynincunata churacuycoj micha runacunataga marca-masincuna maldisyuntami gon. Mana churacuypa pitapis ranticoj runami ichanga bindisyunta chasquenga.

Proverbios 19:17

Pobrita yanapäga Tayta Diostami ristaycan. Chayno yanapashanpitaga quiquin Tayta Diosmi cutichenga.

Proverbios 22:9

Cuyapäcoj runaga bindisyuntami chasquenga pobricunata tarichishanpita, millgashanpita.

Proverbios 24:24

Juchayoj caycaptin «Manami juchayojchu canqui» niptenga llapan runami rabyanga. Chayno nejtaga juc-lä nasyun runacunapis manacajmanmi churan.

Proverbios 28:28

Fiyu runacuna alliman chayaptenga llapan runami mancharir gueshpin. Fiyucuna illgaptinmi ichanga alli runacuna alliman chayan.

Isaías 1:15

Gamcuna maquiquita jogaricurcur mañacamaptiquipis gamcunapitaga juc-läpami ticracurë. Yaparir-yaparir mañacamuptiquipis Nogaga mananami wiyashänachu. Gamcunapaga maquiquipis wañuchicushayqui yawarllami caycan.

Deuteronomio 15:10

Chayno caycaptenga muchojcunata llapan buluntäniquipa yanapanqui. Chayrämi Tayta Diospis llapan arushayquiman bindisyunta churamonga.

Deuteronomio 15:7

«Tayta Dios goycushunayquipaj caj nasyuncho tiyarcaycashayqui siudächo marca-masiqui pobri captenga yanapanqui. Ama canquichu mana cuyapäcöga.

Hebreos 13:16

Chaynöpis mana gongaypa alli cajcunata ruray. Jucniqui-jucniqui imallawanpis yanapänacuy. Chaycunami Tayta Diospaj alli ofrenda caycan.