Proverbios 28:14 - Tayta Diosninchi Isquirbichishan

¹⁴ Tayta Diosta imaypis rispitajcunaga cushishami goyanga. Tayta Diosta mana wiyacojcunami ichanga ñacayman chayanga.

Proverbios 28:14 ပူးပေါင်းရင်းမြစ်များ

Job 9:4

Tayta Diosga fiyupa yachajmi, munayniyojmi. ¿Piraj payta ichipar allicho quëdanman?

Salmos 112:1

¡Aleluya! ¡Tayta Diosga alabasha cachun! Cushishami cawanga Tayta Diosta rispitaj cäga, mandamintuncunata cumlej cajpis.

Salmos 16:8

Imaypis Tayta Diostaga yarparaycämi. Pay lädöcho captenga imapis manami chayamangachu.

Salmos 2:11

Fiyupa rispitashpayqui aduray Tayta Diosta.

Salmos 95:8

«Ama caychu Meriba particho rurashayquicunano mana wiyacöga. Ama caychu chunyaj Masah particho

Éxodo 14:23

Chaymi Egiptucunaga llapan suldäruncunawan, carrëtancunawan, muntädu aywaj suldäruncunapis Israelcunapa guepanta gatir yaycuran lamar chaupincamaraj.

Éxodo 7:22

Egiptucho tiyaj brüjucunapis mäjicata rurayta yachashpan yacuta yawarman ticrachiran. Chaura faraón mas piyur-raj rumi shonguno contra ricacuran. Aaronwan Moisés nishancunataga imanillarpis mana cäsurannachu. Tayta Dios willashannömi caran.

Éxodo 7:23

Faraonga imatapis mana gocur palasyunman cuticuran.

Proverbios 23:17

Juchasapacuna imatapis charajta ricar ama rabyapaychu. Chaypa ruquenga imaypis Tayta Diosllata manchapacuy.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Eclesiastés 8:12

Nogaga yarparä Tayta Diosta sirbir rispitajcunalla alli cawashantami. Yarparä Tayta Diosta mana manchacuptin fiyucunapäga imapis mana alli chayamunan cashanta; llantuy päsacojno rätulla cawashanta. Chaypis juchata ruraj cäga jinalla juchata ruraycarpis achca watami cawarcaycan.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.

Jeremías 32:40

Paycunawanmi imaycamapis conträtuta rurashaj. Paycunawanmi caycäshaj imachöpis yanapänäpaj. Shacyächishaj imaycamapis mana cachaypa nogallatana sirbimänanpaj.

Romanos 11:20

Au, nishayquinöllami caycan. Paycunataga mana yäracushanpitami muturir wicaparisha. Gamcunapis yäracuyniquipami chay yöracho injertaraycanqui. Chaymi ama alabacuychu. Chaypa ruquenga Tayta Diosninchïta wiyacur caway.

Romanos 2:4

¿U Tayta Dios cuyapäcoj, pasinsacoj, alli captinchu yarpanqui mana castigashunayquipaj cashanta? Payga cuyapäshushpayquimi munan jucha rurashayquipita arpinticur pay munashannöna cawanayquita.

Romanos 2:5

Gammi ichanga canqui rumi shongu. ¿Imanirtaj jucha rurayta mana cacharinquichu? Jucha rurayta mana cachariptiquega Tayta Diosninchi fiyupa rabyar llapan juchayquipitami jusgar castigashunquipaj.

Hebreos 4:1

Tayta Diosninchïmi ichanga aunishanta jinalla shuyaraycächimanchi: «Alli jamaytami tarichishayqui» nir. Gamcunapis mana wiyacorga cuydä chay jamayta mana tarinquimanchu.

1 Pedro 1:17

Gamcuna «taytä» nishayqui Tayta Diosga llapantami iwal rican. Payga llapan runatami jusganga imanöpis cawashanman-tupu. Chayno caycaptenga cay pachacho cawashayquicama Tayta Diosta rispitar caway.