Proverbios 28:12 - Tayta Diosninchi Isquirbichishan

¹² Alli runacuna alliman chayaptenga llapanmi cushicun. Fiyu runa alliman chayaptinmi ichanga llapan mancharir gueshpin.

Proverbios 28:12 ပူးပေါင်းရင်းမြစ်များ

1 Reyes 18:13

¿Manachu mayashcanqui Tayta Diospa profëtancunata Jezabel wañuchishanta? Nogami ichanga Tayta Diospa pachac (100) profëtancunata pacaycurä pichga chunca-cama (50) raquircur ishcay machayman. Nircur micuytapis gararä.

1 Reyes 19:3

Chaura Eliasga wañuchinanpaj caycashanta musyaycur gueshpir aywacuran Judá particho caycaj Beersebaman. Chaychöna uywayninta cachaycuran.

2 Crónicas 7:10

Ganchis caj quilla, ishcay chunca quimsa (23) junajnincho ray Salomonga llapan runacunata «Marcayquicunaman-cama cuticuy» niran. Runacunaga Davidta, Salomonta, llapan Israelcunatapis Tayta Dios alli yanapashanpita cushisha cuticuran.

Proverbios 11:10

Alli runacuna alliman chayaptenga marca intërumi cushicun. Fiyu runacuna mana alliman chayaptinpis marca intërumi cushicuywan pinticachan.

Proverbios 28:28

Fiyu runacuna alliman chayaptenga llapan runami mancharir gueshpin. Fiyucuna illgaptinmi ichanga alli runacuna alliman chayan.

Proverbios 29:2

Alli runacuna autoridä cayman chayaptenga llapanmi cushicun. Fiyu runa mandaj cayman chayaycuptenga llapan runami llaquicun.

Eclesiastés 10:16

Juc nasyunpa wamralla raynin captenga, mandäshejnincunapis upullar micullar cacuptenga fiyupa llaquipaypämi.

Jeremías 36:19

Chayno niptin Baructa paycuna niran: «Cananga Jeremías ishcaniqui maymanpis pacacuy. Gamcuna maycho caycashayquitapis ama pipis musyachunchu.»

Jeremías 36:26

Chaypa ruquenga wamran Jerameelta, Azrielpa wamran Seraiasta, Abdeelpa wamran Selemiasta niran paycuna profëta Jeremiasta secretaryun Baructawan prësu charinanpaj. Ichanga Jeremiastawan Baructa Tayta Dios pacaycuran.

Jeremías 5:1

Tayta Dios cayno nin: «Jerusalén cällicunapa puriy-llapa. Sumaj ricchacuy. Intërupa purishayqui läsacunachöpis sumaj ashiy. Chaycho mä tarinquichush jucnayllatapis alli runata, rasun cajta rurayta munajta. Jucnayllatapis tariptiquega Jerusalencho tiyaycajcunata perdunashämi.

1 Samuel 24:11

Tayta, masqui ricay aptaraycashäta. Jacuraycashayquipa cantunmi. Chayno cuchuycarga maynami wañurachëman caran gamtaga. Cananga tantiyacunquiman. Nogaga manami wañuchiyta yarpashcächu. Manami ufindishcäpischu. Chaypis gamga wañuchimänayquipaj gaticachaycämanqui.