Proverbios 28:10 - Tayta Diosninchi Isquirbichishan

¹⁰ Alli runacunata juchata rurananpaj pushajcunaga quiquinmi mana allita yarpaycashanman chayanga. Juchata mana rurajcunami ichanga alli cawayman chayanga.

Proverbios 28:10 ပူးပေါင်းရင်းမြစ်များ

Salmos 139:24

Rurashäcuna mana alli captenga tantiyachimay ari. Nircur yachachimay gam munashayquino cawanäpaj.

Salmos 37:11

Umildicunami ichanga alli pachacho tiyanga. Tayta Diosmi jauca goyächenga.

Salmos 57:6

Chiquimajcunaga purinäman togllata churasha. Chaura nogaga fiyupa mancharishcä. Purinächo uchcuta uchcuran yaganäpaj. Chay uchcuman quiquincunallami yagasha. Selah

Salmos 9:15

Mana rispitashojcunaga yaganga quiquincuna uchcuta rurashallanmanmi. Togllata churashanpis quiquincunatami charenga.

Proverbios 10:3

Alli runacunataga Tayta Dios manami muchupacächinchu. Fiyucunatami ichanga micunanpaj ashiptinpis mana tarichinchu.

Proverbios 15:6

Mana yatapacoj alli runapa wasinchöga ima-aycanpis puchu-puchumi. Fiyu runapami ichanga imata tarishanpis manacajnölla ushacäcun.

Proverbios 2:21

Dios munashanno goyajcunami, pipis mana rimasha goyajcunami cay pachacho alli cawanga.

Proverbios 21:20

Yachajcunapa wasinchöga ima-aycanpis juntami. Manami imapis pishinchu. Mana tantiyacojcunami ichanga ima tarishallantapis ushacurcun.

Proverbios 26:27

Uchcuta uchcorga quiquinmi uchcushanman yagan. Gagata amijtapis quiquintami rumiga ñitirin.

Proverbios 28:18

Alli runaga llapanpitami salbaconga. Fiyu runami ichanga disigrasyaman chayanga.

Eclesiastés 10:8

Pipis uchcuta uchcoj cäga chaymanmi yaganga. Pipis curral pergata ojtej cajtaga culebrami cañenga.

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Gálatas 2:4

Tito señalacunanpaj u mana señalacunanpäpis parlacurä shuntacashäman juc ishcay runacuna pacayllapa yaycamusha captinmi. Chay ermänu-tucojcunaga laycunata mana Israel ermänucunapis llapanta cumlinanpämi parlaran.

Hebreos 6:12

Chaymi guellacuna-japuy janan shongullaga ama canquichu. Man'chäga unay runacuna yäracushanno mana yamacaypa sumaj yäracuy. Chayrämi shuyashayquitapis chasquinquipaj.

1 Pedro 3:9

Runa-masiqui chiquishuptiquipis gamcunaga ama chiquiychu. Ashllishuptiquipis ama ashlliychu. Chaypa ruquenga Tayta Diosninchïta mañacuy chiquishojniquitapis bindisyunta gonanpaj. Gamcunapis bindisyunta chasquinayquipämi Tayta Diosga acrasha-cashunqui.

Apocalipsis 2:14

Ichanga gamcuna ruraycashayqui juc ishcay manami gustamanchu. Balaam yachachishanno waquinniqui ruraycanqui. Balaam shimita goptinmi Balacpis Israel runacunata fistancunaman gayachiran ïdulucunapaj churashan aychata garananpaj. Chaynöpis Israelcunataga yachachiran jucwan-jucwan cacunanpaj.

1 Samuel 26:19

Wiyaycamay ari. Nogata chiquimänayquipaj Tayta Diosninchi camacächisha captenga ofrendayquitapis chasquichun. Chiquimänayquipaj runacunalla shimita gosha-cashuptiquega Tayta Diosninchi castigachun. Cananga gargamashcanquimi Tayta Dios acrashan chacrapitapis. Mana bälej dioscunata sirbinäpämi gargaycämanqui.