Proverbios 27:8 - Tayta Diosninchi Isquirbichishan

⁸ Yurishan marcanta cachaycur puricachaj runaga caycan pichiusa gueshwanta cachaycur maypapis puricojnömi.

Proverbios 27:8 ပူးပေါင်းရင်းမြစ်များ

Génesis 21:14

Chayno Dios nishan warannin, tutallana Abrahamga tantata, ordiwan yacutapis camarircur Agarta goycuran. Llapanta aparicurcuptin wamran Ismaeltawan ishcanta «aywacuy» nir despacharan. Agar mana musyaranchu maypa aywaytapis. Chayno aywacurmi puriycaran Beerseba chunyajpa.

Génesis 4:16

Chaynömi Cainga Tayta Dioswan parlaycashanpita aywacuran «Nod» nishan partiman. Chayga caycaran Edenman inti yagamunan caj-lächo.

1 Reyes 11:22

Chaura faraón niran: «¿Imapätaj marcayquiman cutiyta munanqui? ¿Imataj caycho pishiycäshunqui?» Chaura Hadad niran: «Manami imapis pishïmanchoga. Ichanga marcätami ricayta munä.»

1 Reyes 19:9

Chayaycur machayman yaycuycur puñuran. Chaychöna Tayta Dios gayarcur niran: «Elías, ¿imatataj caycho ruraycanqui?»

Proverbios 21:16

Alli cajta ruraycashancho llutanta rurarnaga wañongami.

Proverbios 26:2

Ima maldäpis manami chayanchu juchan mana captenga. Maldä rurashanga gueshwaynaj pichiusano, wayanay äbinömi maymanpis mana chayaypa cacun.

Proverbios 27:7

Sacsasha carga abëjapa mishquintapis melanäcunmi. Yargaycajpämi ichanga ashgaj micuypis mishquin.

Isaías 16:2

Arnón mayuta päsanachöga Moab warmicuna ricaconga gueshtancho caycaj äbita imapis mancharaycachiptin gueshpir aywacojnömi.

Jonás 1:3

Ichanga Tayta Dios mandashanta rurayta mana munar Jonasga gueshpir aywacuran lamar cantuncho caycaj Jope siudäman. Chaychöna juc büquita tariran Tarsis siudäman llojshinanpaj caycajta. Chaura chayman aywacunanpaj pasäjinta pägaran. Nircur Tarsismanna büquiwan aywacuran.

1 Corintios 7:20

Jesucristumanna yäracuycarnaga imano goyänayquipäpis Tayta Dios camacächishannölla goyay-llapa.

Judas 1:13

Mayu cantunman tucuy-niraj ganrata yacu jitarimushannömi paycunapis manacajcunallata rurar pengayman chayan. Chaypitami goyllar shicwashanno paycunapis yanauyaycajman chayar chaycho imaycamapis ñacangapaj.

1 Samuel 22:5

Chaypita Tayta Diospa profëtan Gadga Davidta niran: «Ama pacaräcuychu. Ayway Judá partiman.» Niptin Davidga aywacuran Haret jircacho munti caycajman.