Proverbios 27:4 - Tayta Diosninchi Isquirbichishan

⁴ Rabyayga fiyumi; ollguypis manami allichu. Inbidyösu runatami ichanga pipis mas piyur mana awantanchu.

Proverbios 27:4 ပူးပေါင်းရင်းမြစ်များ

Génesis 26:14

Uywancunapis uysha, cabra, wäca aypallaman miraran. Paypaga uyway runacunapis aypallana caran. Chaymi Filistea runacunaga Isaacta chiquicarcäriranna.

Génesis 37:11

Chayno willapaptin wauguincunaga fiyupa chiquiran. Papäninmi ichanga yarpachacoj «¿Imapäraj chaynöga wamrä suyñusha?» nishpan.

Génesis 38:9

Onán musyaran wamran cashpanpis paypa jutinta mana apananpaj cashanta. Chaymi wauguinpa biyüdanwan cacushan öra jorgurir jawaman juturachej. Onanga chayno ruraran wamran yurir wauguinpa jutinta apananta mana munarmi.

Job 5:2

Musyanchïmi mana tantiyaj upacunaga rabyallawan wañushanta. Yargajcunaga munapaycällarmi wañuymanpis chayan.

Proverbios 14:30

Shacya alli shongu runaga sänumi cawan. Chiquipäcoj mana alli runami ichanga rätu ushacanga.

Proverbios 27:3

Aguwan rumiga fiyupami lasan. Chaycuna lasashanpis manami tincunchu mana tantiyaj upa rabyashanmanga.

Proverbios 6:34

Runan musyaycorga chay runapaj fiyupami rabyacurconga. Chayno car manami perdunanganachu.

Cantares 8:6

Nogataga mana gongaypa yarparämay. Ricrayquichöpis jutë chäpashano cachun mana gongamänayquipaj. Cuyanacuytaga wañuytano manami pipis chapanchu. Fiyupa munanacuypitapis sepultürapitano manami gueshpinchïchu. Cuyanacushanchëga Tayta Diospa ninannömi mana upinchu.

Mateo 27:18

Pilatoga mayna musyaran mandaj cüracuna chiquiyllapita Jesusta apashanta.

Hechos 17:5

Jesusman mana yäracoj Israelcunami ichanga chiquicushpan fiyupa rabyacarcäriran. Chaymi guella runacunata mincacuran: «Llapan runata shimita goy Pablupa, Silaspa contran jatarinanpaj» nir. Chay runacunaga Jasonpa wasinmanpis yaycuran Pablutawan Silasta marca runacunaman entregananpaj ashir.

Hechos 5:17

Chauraga mas mandaj cürapis, saduceocunapis apostulcunata fiyupa chiquir rabyacarcäriran.

Hechos 7:9

«Jacobpa wamrancunaga chiquirmi wauguin Josëta Egiptuman apacunanpaj ranticaycäriran. Ichanga juc-lächöpis Josëtaga Tayta Dios yanapaycaranmi.

Romanos 1:29

Chayno cashpanmi tucuy mana allicunata ruran, quiquillanpaj imatapis munan, chiquinacun, inbidyösumi, wañuchicun, achäquita ashipan, engañacun, llullacur imatapis rasuntanöraj parlan, washa rima,

1 Juan 3:12

Ama cashunchu Cainnöga. Payga dyablu munashanta rurarmi wauguin Abelta wañuycachiran. ¿Imapitataj wañuchiran? Wauguin Abelga Tayta Dios munashantami ruraran. Cainmi ichanga juchallata ruraj. Chaynöpami wauguinta chiquir wañuycachiran.

1 Samuel 18:9

Chay junajpita-pacha Saulga Davidta risilajna.