Proverbios 27:18 - Tayta Diosninchi Isquirbichishan

¹⁸ Ïgusta alli cuydäga poguptin wayuynintapis micongami. Patrunninta alli atindejpis alli rispitashami canga.

Proverbios 27:18 ပူးပေါင်းရင်းမြစ်များ

2 Reyes 18:31

Chayno nishantaga ama riguiychu. Nogataga Asiriapa rayninmi cachamasha paywan parlacunayquipaj. Pay nishantana ruray. Chayno carga cada-ünuyquimi übasniquipa wayuyninta, ïgusniqui wayushanta micunquipaj. Yacutapis upunquipaj quiquiqui rurashayqui ishtanquipitami.

2 Reyes 3:11

Niptin Judäpa raynin Josafatga tapuran: «¿Caychöga manachu can profëta Tayta Diosta tapucunapaj?» nir. Israelpa rayninpa uywayninna niran: «Caychömi tiyan Safatpa wamran Eliseo. Payga Eliaspa disïpulunmi.»

2 Reyes 5:25

Chaypitaga Giezipis patrunnin Eliseoman aywaran. Chaura Eliseo tapuran «¿Maypitataj cutiycämunqui Giezi?» nir. Giezina niran: «Manami maypapis aywashcächu.»

2 Reyes 5:27

Chaypitami Naamanpa lepran gamcho yuricurconga. Manami imaypis allchacanquipächu gampis ni wamrayquicunapis.» Chay nishannöllami Eliseo cajpita aywacuptin lepraga Giezipa intëru janancho yurajlla ricacuran.

Ester 6:11

Chaura Amán aparan sotänatawan cawalluta. Nircur Mardoqueota jatiparan. Jatiparcur cawalluman muntarcachir tumachiran siudäpa läsanpa. Janchasha apashpan gayaraypa niran: «¡Masqui ricay taytacuna! ¡Caynömi ray rispitayta munashan runataga purichinchi!» nir.

Salmos 123:2

Patrunninman uyway ricarajnömi, uyway warmi patrönanman ricarajnömi Tayta Dios gamman ricarpaycämö cuyapämänayquipaj.

Éxodo 24:13

Chaymi Moisesga yanapajnin Josuëwan wicharan Tayta Dios caycashan puntaman.

Proverbios 17:2

Patrunninpa wamran fiyu captenga alli yarpayniyoj uywayninmi wamranmanno ticran. Chaynöpami patrunninpa wamrancunano erensyata chasquin.

Proverbios 22:29

Ima aruytapis yachaj bïbu runaga raypa palasyunchörämi aronga. Manami manacaj runacunapa munayninchöchu canga.

Proverbios 27:17

Fyërrutaga fyërru-masinwanmi afilan. Chaynömi runapis jucwan parlar masta yachacun.

Proverbios 27:19

Imanömi cäranta pösu yacucho runa ricacun chaynömi runa yarpashanta parlashpan imano cashantapis musyacächin.

Cantares 8:12

Waranga guellayga gampaj cacuchun Salomón. Chacrata ricajcunapäpis ishcay pachac (200) guellay cacuchun. Nogami ichanga übas chacräta quiquillä ricacö.

Isaías 36:16

«Chayno nishantaga ama riguiychu. Nogataga Asiriapa rayninmi cachamasha paywan parlacunayquipaj. Pay nishantana ruray. Chayno carga cada-ünuyquimi übasniquipa wayuyninta, ïgusniqui wayushanta micunquipaj. Yacutapis upunquipaj quiquiqui rurashayqui ishtanquiquipitami.

Mateo 24:25

Manaraj chayno captinmi gamcunataga musyanayquipaj willapashcä.

Mateo 24:46

Cushishami canga, patrunnin cutimur mincacushannölla ruraycajta tarishan uywayga.

Marcos 10:43

Gamcunaga ama chayno canquimanchu. Chaypa ruquenga mas munayniyoj cayta munaj cäga waquinniquitaraj sirbiy.

Lucas 12:37

Cushicuytami tarenga ricchaycajta patrunnin tarishan uywayno cajcunaga. Chaynöta tariycur quiquinmi patrunnenga jamaycachir garanga.

Lucas 12:42

Niptin Jesús niran: «¿Piraj tincun alli uywayman, tantiyaj uywayman? Alli uyway captin, tantiyaj uyway captenga patrunnin churan llapanninta ricananpaj. Chauraga paynami örancho waquin cajta garachin.

Lucas 19:17

«Chaura mandajnin nisha: ‹Gamga alli uywaymi canqui. Wallcallapitapis sumaj mirachishayquipitami chunca marcapa mandajnin canayquipaj churashayqui› nir.

Juan 12:26

Chaymi noga nishäta ruraj cäga ima päsaptinpis mana cachaycuypa wiyacamächun. Chayno ruraj cäga nogawanmi caycangapaj. Chaura nogata gatirämaj cajtaga Papänëpis allimi ricanga.

Hechos 10:7

Anjil aywacuptinna Cornelioga gayaran ishcaj uywaynincunatawan Tayta Dios munashanno goyaj suldärunta. Chay suldäruga Cornelio yäracushanmi caran.

1 Corintios 3:8

Muroj cajpis pargoj cajpis iwal-llami. Tayta Diosnami ichanga cada-ünunta päganga imano rurashantapis ricaycur.

1 Corintios 9:13

Gamcunaga musyanquimi templucho, altarcho ima ruraychöpis arojcunaga templuman apashan micuyta micushanta.

1 Corintios 9:7

Quiquinpata gastacur ¿piraj suldäru canman? ¿Pitaj lantashan übaspa wayuyninta mana micunchu? ¿Pitaj uywata michir gapircur lëchinta mana upunchu?

Colosenses 3:22

Uywaycuna, cay pachacho caj patrunniqui nishushayquicunata llapanta wiyacunqui. Ricaycäshushayqui örallaga ama aroj-tucunquichu. Chaypa ruquin Tayta Diosninchi ricaycäshushayquita musyaycarga llapan buluntäniquiwan arunqui.

2 Timoteo 2:6

Fiyupa ñacar chacra arojcunapis cosëchachöga arushanpita rimërumi chasquin.

1 Pedro 2:18

Uywaycuna, patrunniqui alli captinpis u fiyu captinpis rispitar wiyacuy.

1 Pedro 2:21

Chayno ñacanapämi Tayta Diosga acramashcanchi. Jesucristupis noganchi-raycumi ñacasha. Chaynöpami tantiyachimashcanchi ñacarpis mana jagayaypa cawanapaj.

1 Samuel 2:30

«Ñaupataga famillyayquicunata Tayta Diosninchi niran ‹Gammi, gampita mirajcunami imaypis sirbimanquipaj›. Cananga Tayta Dios yapay nin: ‹Cananpitaga manami jucha rurajcunata awantashächu. Chaypa ruquenga nogata rispitamaj cajtami yanapäshaj. Manacajman churamajcunatanami pengayman churashaj. Quiquëmi niycä.