Proverbios 26:24 - Tayta Diosninchi Isquirbichishan

²⁴ Chiqui runaga parlashan öra manami musyacächinchu. Shongullanchöga yarpapaycan mana allicunata ruraytami.

Proverbios 26:24 ပူးပေါင်းရင်းမြစ်များ

Génesis 34:13

Pañin Dinata charipacushapitami Jacobpa wamrancunaga llullaparan Hamortawan wamran Shequemta.

2 Samuel 13:26

Chaura Absalón niran: «Tayta, quiquiqui aywayta mana munarga wauguë Amnonllatapis cachamuy goturänäpaj.» Niptin ray tapuran: «¿Imanirtaj munanqui wauguiqui Amnón yan'gäshunayquita?» nir.

2 Samuel 13:27

Chayno niptinpis Absalonga yaparir-yaparir ruwaran. Chaura rayga auniran wamran Amnón, waquin wamrancunapis aywananpaj. Absalonga ray micunantano alli micuyta ruraran.

2 Samuel 20:9

Joabga derëchu caj maquinwan Amasata shapranpita muchananpaj charishpan tapuran: «¿Allichu purimushcanqui waugui?» nir.

Nehemías 6:2

Sanbalatwan Gesemga papilta apachimuran « ‹Ono› jutiyoj ragran aywaj guechwacho mayninchöpis juc pachacho tincunapaj shamuy» nir. Paycunaga yarpapaycämaran mana allita ruramaytami.

Salmos 12:3

Janan shongulla parlajcunataga Tayta Diosmi ushajpaj illgächenga.

Salmos 28:3

Fiyucunatawan iwalga ama castigamaychu. Paycunaga janan shongullami alli parlaj-tucun. Ichanga jucha rurayllapämi yarparcaycan.

Salmos 41:6

Ricamaj shamushpanpis janan shongullami parlan wiyanäpaj. Mana alli cajcunata shongullancho yarpan. Nircur washäta parlaraycar aywacun.

Proverbios 10:18

Llulla carmi chiqui cashanta mana musyacächinchu. Upa mana tantiyacöga washa-rima carmi cuentullata purichin.

Proverbios 11:1

Tayta Dios melanäcunmi suwa pësacunataga. Alli pësacunatami ichanga Tayta Dios alli rican.

Proverbios 12:17

Rasun cajta rimaj runaga rasun cajllatami declaranpis. Alman ranticojcunami ichanga manacajta declaran.

Proverbios 12:20

Fiyucunaga imanöpapis engañayllatami yarparaycan. Alli willapajcunami ichanga cushicachin.

Proverbios 12:5

Alli runacunaga alli cajcunallatami yarpan. Fiyucuna yarpashanmi ichanga llapanpis manacajlla.

Proverbios 14:8

Yachaj runataga yachashanmi tantiyachin imano goyaycashantapis. Mana tantiyacojcunatami ichanga upa caynin llutanman apan.

Proverbios 23:7

Chay runaga micuy aycalla cuestashantapis cuentata jorguycanmi. Janan shongullami «micushun, upushun» nishunqui.

Jeremías 9:4

Amïgumanpis ama yäracuynachu. Ni wauguiquimanpis ama yäracuynachu. Amïgunwanpis llullapänacur lebantanacunmi. Chay wauguilla caycarpis engañanacunmi.

1 Samuel 18:17

Saúl quiquin mana wañuchiyta munar «Filistea runacuna wañuchichun» nir yarparan. Chaymi juc junajcho Davidta Saúl niran: «Mayur caj wamrä Merabwan majachacay. Ichanga Tayta Diospa faburnin pillyay. Jinyu cay.»