Proverbios 26:23 - Tayta Diosninchi Isquirbichishan

²³ Allpa mancata guellaywan chapyashanömi mana allita yarpar janan shongulla rimajcunaga.

Proverbios 26:23 ပူးပေါင်းရင်းမြစ်များ

Proverbios 10:18

Llulla carmi chiqui cashanta mana musyacächinchu. Upa mana tantiyacöga washa-rima carmi cuentullata purichin.

Proverbios 23:7

Chay runaga micuy aycalla cuestashantapis cuentata jorguycanmi. Janan shongullami «micushun, upushun» nishunqui.

Proverbios 25:4

Guellaypa ganrancunata jorgunayquipaj chulluchiyraj. Chauraga cuyayllapaj cöpatami guellay tacäga ruranga.

Proverbios 26:25

Alli shimillanpa imata nishuptiquipis ama riguinquichu. Shongunchöga yarpaycan llapan mana allicunallatami.

Proverbios 27:6

Piñacuptinpis cuyanacushan amïgunman yäracuymi mas alli janan shongulla alli shiminpa parlapajman yäracunanpitaga.

Ezequiel 33:31

Chayno ninacurmi paycunaga aywarcaycämun. Nircur ñaupayquiman jamaycärin willapashayquita wiyananpaj. Ichanga wiyaycarpis manami wiyashantano ruranchu. Shimillanwanmi nogapaj allita riman. Shongunchöga yarparaycan mana allita ruraypa gänayllatami.

Mateo 23:27

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga jananpa pintasha mïchunömi caycanqui. Mïchupa jananga cuyayllapämi ricacan. Rurincho ichanga wañojcunapa ismusha tullullan melanaypaj caycan.

Lucas 11:39

Chayta musyar Jesús niran: «Gamcunaga pusillutawan lätupapis janallanta mayllar rurintaga mana mayllajnömi carcaycanqui. Chaymi pusillupa, lätupa rurincho ganra cashannöpis mana allita yarparcaycanqui, fiyu, yargaj cashpayqui.