Proverbios 26:20 - Tayta Diosninchi Isquirbichishan

²⁰ Yanta mana captenga nina upicäcunmi. Washa-rima mana captenga rimanacuypis manami canchu.

Proverbios 26:20 ပူးပေါင်းရင်းမြစ်များ

Proverbios 16:28

Fiyu runacunaga imay örapis rimanacachiyllatami ashiycan. Washa-rimacunapis amïguncunatawan chiquinacachinmi.

Proverbios 22:10

Fiyu runata garguriptiquega chiquinacuypis, rimanacuypis, achäquita ashipänacuypis jamangami.

Proverbios 26:22

Mishquillarämi washa-rimacunaga riman. Chasquipajpänami caycan shonguncama alli chayajnöraj.

Levítico 19:16

Marcayquicho ama purinquichu runapa washanta rimar. Runa-masiquita wañuchinanpaj ama jitapanquichu. Noga Tayta Diosniquimi chayno në.

Santiago 3:5

Shiminchïpis chaynömi. Tacshalla caycarpis jatunman chayachimanchi. Shanshapis tacsha caycarmi ratarerga jircata ushan.

Santiago 3:6

Shiminchïpis shanshanömi caycan. Juchaman chayachimänanchïpäpis munayniyojmi. Quiquinchïtapis usharamashwanmi. Chay ninata noganchïcho ratarachëga caycan dyablumi.