Proverbios 26:12 - Tayta Diosninchi Isquirbichishan

¹² ¿Yachaj-tucoj runata ricashcanquichu? Chayno runapitaga mana tantiyacoj upa runapis allirämi canman.

Proverbios 26:12 ပူးပေါင်းရင်းမြစ်များ

Proverbios 12:15

Mana tantiyacojcunaga llapan rurashan alli cashantami yarpan. Alli tantiyajcunami ichanga yachajcuna willapashanta chasquicun.

Proverbios 22:29

Ima aruytapis yachaj bïbu runaga raypa palasyunchörämi aronga. Manami manacaj runacunapa munayninchöchu canga.

Proverbios 26:16

Guella runaga fiyupa yachaj runa caycashantami yarpan. Chaymi yarpan alli tantiyachicoj ganchis runacunapita mas yachaj cashanta.

Proverbios 26:5

Mana tantiyacoj upataga sumaj cutichiy. Chaynöpami upa runaga mana yachaj-tucongachu.

Proverbios 28:11

Rïcucunaga yarpan yachaj cashantami. Pobri carpis alli tantiyajmi ichanga rïcu imano cashantapis musyan.

Proverbios 28:26

Quiquin yarpashallanman yäracoj runaga mana tantiyacoj upa runami. Sumaj tantiyaycur ruraj runami ichanga imapitapis allicho llojshenga.

Proverbios 29:20

¿Mana yarpachacuypa parlaj runata wiyashcanquichu? Chayno runapitaga mana tantiyacoj upa runapis allirämi canman.

Proverbios 3:7

Ama yachaj-tucunquichu. Chaypa ruquenga Tayta Diosta manchacushpayqui jucha ruraypita witicuy.

Isaías 5:21

Ay imanöraj canqui quiquillayquipäga tantiyaj yachaj carcaycajcuna, quiquillayquipäga fiyupa yarpaysapa carcaycajcuna.

Mateo 21:31

«Canan, mä nimay. ¿Maygantaj papäninta wiyacusha?» Chaura paycunaga «Rimir cajmi» niran. Niptin Jesús niran: «Gamcunapa ñaupayquitami impuestuta cobrajcuna, guellaypaj runacunata chasquej warmicunapis Tayta Diospa maquincho cawananpaj yaycuycan.

Lucas 18:11

Fariseo cäga sumaj ichiycurshi Tayta Diosta cayno mañacusha: ‹Grasyas Tayta Dios. Gamta fiyupami agradësicö waquin runacunano mana cashäpita. Waquin runacunaga caycan suwami, fiyumi, pï-maywanpis cacojmi. Nogaga manami cächu tagay impuesto cobrajnöpis.

Lucas 7:44

Chaura warmita ricapärir Simonta yapay niran: «Simón, ricay cay warmi imano ruraycashantapis. Wasiquiman chayamuptëpis manami yacuta gomashcanquichu chaquëta mayllacunäpaj. Cay warmimi ichanga weguinwan chaquëta ushmarcachir ajchanwan pichapämasha.

Juan 9:41

Chaymi Jesús niran: «Gamcuna gapra cashpayquega manami juchayojchu canquiman. Ichanga ricaycämar mana riguishayquipitami juchayojna caycanqui.»

Romanos 12:16

Chiquipänacunayquipa ruquenga alli caway. Ama runa-tucuychu. Umildi runacunano cay. Ama yarpaychu yachaj cashayquitaga.

Apocalipsis 3:17

«Rïcu cashayquiman yäracurmi gamcunaga ‹imapis mana pishëmanchu› niycanqui. Chaypis manami cuentata gocunquichu cuyapaypaj waccha, pobri, gapra, garapächulla caycashayquita.