Proverbios 25:5 - Tayta Diosninchi Isquirbichishan

⁵ Chayno, mana alli runatapis rayta yanapaycashanpita jitariy. Chaura ray mandashanchöga llapanpis rasun cajta, alli cajllatami ruranga.

Proverbios 25:5 ပူးပေါင်းရင်းမြစ်များ

1 Reyes 2:33

Paycunata wañuchishanpita Joabpis y paypita miraj aywajcunapis maldisyunasha cachun. Davidpita mirar aywajcunata ichanga Tayta Dios imaypis yanapaycullächun alli cawananpaj. Chaynöpis yanapaycullächun Israel y Judá runacunata imaypis alli mandananpaj.»

1 Reyes 2:45

Noga ray Salomonmi ichanga Diospita bindisyunta chasquishaj. David mandaj cashantapis Tayta Dios manami imaypis guechongachu.»

1 Reyes 2:46

Chaypita rayga Joiadapa wamran Benaiata niran Simeita wañurachinanpaj. Chaura payga jinan öra wañuycachiran. Chaynöpami ray Salomonga contrancunapita librina caran.

Ester 7:10

Chaynömi Amanga wañuran Mardoqueota matinanpaj camarishancho. Matiycachir-raj rayga rabyashanpita allchacaran.

Proverbios 16:12

Raycunaga mana alli ruraycunata melanäcunmi. Rayga alli mandan llapanpis allillata ruraptinrämi.

Proverbios 20:28

Rasun cajta ruraj captin, cuyapäcoj captin raytaga pipis manami jitarinchu.

Proverbios 20:8

Arriglananpaj despächunman jamaycur rayga rasunpa juchayojcunataga ricapärillarmi rejsirin.

Proverbios 25:6

Raypa ñaupancho cashpayqui ama alli-tucuychu. Mayur rispitädu runacuna jamaränanmanpis ama jamaychu.

Proverbios 29:14

Juc mandaj pobricunata alli mandaptenga imaycamapis chaynöllami mandaycanga.

Isaías 16:5

Davidpita mirajnami Jerusalencho ray cangapaj. Payga canga cuyapäcojmi. Payga canga mana suwacoj juezmi, alli arriglajmi. Payga alli cajllatami ruranga.

Isaías 9:7

Ray David jamashanmanmi jamaycongapaj. Payga llapantami mandanga. Alli goyayga manami ushacanganachu. Imaycamapis payllanami mandanga. Pay mandarga rasun cajta, alli cajllatami imaycamapis ruranga. Chaynöga ruranga munayniyoj Tayta Dios fiyupa cuyamashpanchïmi.