Proverbios 25:27 - Tayta Diosninchi Isquirbichishan

²⁷ Alläpa achca mishquita micuyga manami allichu. Chayno manami allichu alläpa rispitasha cayta ashiypis.

Proverbios 25:27 ပူးပေါင်းရင်းမြစ်များ

Proverbios 25:16

Abëjapa mishquinta tarerga ama yamacashayquicamaga micunquichu. Alläpa micorga melanar gumitananquimanmi.

Proverbios 25:2

Pipis mana musyashan cajtaga Tayta Diosllami musyan. Chaypitami paytaga rispitan. Rayga llapantami musyayta munan. Chaypitami paypis rispitasha caycan.

Proverbios 27:2

Quiquiqui alabacuptiquega manami allichu. Juc runacuna gampaj alli parlar alabashuptiquimi ichanga alli.

Lucas 14:11

Chayno nirmi niran: «Alli-tucoj cäga manacajman churashami cangapaj. Manacajman churasha caycajcunami ichanga alliman churasha cangapaj.»

Juan 5:44

Quiquiqui-purallami cuyanacuyta ashinqui. Tayta Dioswan alli goyaypämi ichanga imapis mana gocushunquichu. Chauraga ¿imanöpataj nogata chasquicamanquiman?

2 Corintios 12:1

Quiquillan alabacuptenga manami imapäpis bälinchu. Chaypis canan willashayqui Tayta Jesucristo syëlucho ricachimashancunata, musyachimashancunatapis.

2 Corintios 12:11

Alabacur wichaypa uraypa rimanäpäpis quiquiquicunami ashipämashcanqui. Alabacunäpa ruquenga gamcunami nogataga alabamanquiman caran. Manacajlla cashäta apostul-tucojcuna yarpaptinpis manami paycunapita mas mënuschu cä.

Filipenses 2:3

Ama runa-masiquiwan chiquinacuychu. Ama yachaj-tucuychu. Chaypa ruquenga pitapis rispëtuwan ricay.