Proverbios 24:16 - Tayta Diosninchi Isquirbichishan

¹⁶ Mana alliman ganchis cuti chayarpis alli runaga allichömi llojshenga. Fiyu runacunami ichanga mana alliman chayar chayllachöna ushacanga.

Proverbios 24:16 ပူးပေါင်းရင်းမြစ်များ

Génesis 19:35

Chay chacay yapay papäninta upyachiran bïnuwan. Nircur shullca cajna papäninwan puñuran. Papänenga mana mayaranchu imay öra wamran yaycapashantapis ni imay öra llojshishantapis.

Ester 7:10

Chaynömi Amanga wañuran Mardoqueota matinanpaj camarishancho. Matiycachir-raj rayga rabyashanpita allchacaran.

Job 5:19

Tayta Diosga ima mana alli chayashunayquipita yapay yapaymi salbashunquipaj. Manami camacächengapächu mana alli chayashunayquitaga.

Salmos 34:19

Allillata ruraj runacunataga imapis mana allicunarämi chayan. Chaycunapitaga llapanpitapis Tayta Diosmi salban.

Salmos 34:21

Fiyu runacunamanga quiquin mana allita rurashallanmi chayan. Allita ruraj runacunata chiquëga castigashami canga.

Salmos 37:24

Chay runaga Tayta Dios pushaptinmi tunirpis jatarenga.

Salmos 52:5

Chaypitami Diospis quiquiquita illgächishunquipaj. Charircurmi wasiquipita jitarishunquipaj. Mananami cawanquipänachu. Selah

Salmos 7:16

Mana allita rurashancunapis quiquillanmanmi chayanga.

Salmos 79:12

Tayta Dios, ganchis cuti maspa castigay bisïnöcuna gampa contrayqui rimashanpita.

Proverbios 13:17

Fiyu cachaga inrïdumanmi chayachicun. Alli cachami ichanga alli cushicachicun.

Proverbios 13:21

Juchasapacunataga imanöllapis disigrasya chayaycanmi. Alli runacunami ichanga allita rurashanpita allillata chasquin.

Proverbios 14:32

Fiyu runataga quiquin rurashallanmi mana alliman chayachin. Alli runatami ichanga allita rurashanpita Tayta Dios chapanga.

Proverbios 24:22

Fiyucunaga illajpitami usharaycangapaj. Manami pipis musyanchu Tayta Diospis, ni raypis imano castiganantapis.

Proverbios 6:15

Chaypitami illajpita ñacayman chayapayconga. Mana yarpashapitami tucuy-niraj mana allicunaman chayanga. Juc ñipiyllachömi ushacanga.

Jeremías 18:17

Löcu wayra shamojnömi Nogaga Israelcunata mashtarishaj. Chaymi contrancunapita machiypa-machir gueshpenga. Castiganä junäga paycunapita noga ticracurcushämi.»

Jeremías 8:4

«Jeremías, cay runacunata niy: « ‹Tunerga musyashayquinöpis jatarinmi. Nänita pantaycurpis alli cajmanmi cutin.

Ezequiel 7:5

«Noga, Tayta Diosmi në: ‹Gamcunamanga gatinayllanpami disigrasya chayamoj aywan.

Amós 5:2

Israelga runa yatänillaraj caycarmi mana alliman chayasha. Chaypita alli cashanmanga mananami cutenganachu. Quiquinpa marcallanchömi mashtarpaycar quëdasha. Pipis manami canchu mashtarpaycajta jatarachinanpäga.

Amós 8:14

Mana allimanmi chayangapaj Samariacho caj ïdulupa jutincho jurajcuna, Danpa Diosninpa jutincho jurajcuna, Beersebapa diosnincunapa jutincho jurajcuna. Paycunaga imaypis manami alliman chayangapänachu.»

Números 32:23

Nishayquino mana cumlishpayquimi ichanga Tayta Diospa ñaupancho juchayoj ricacunquipaj. Chaura chay juchayquipita castigashunquipämi.

Hechos 12:23

Herodesga «Tayta Diosllata alabay» ninanpa ruquin quiquin munayniyoj-tucuran. Chaypitami jinan öra Tayta Diospa anjilnin gueshyawan castigaran. Chaynöpami curu ushaypa wañuran.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

1 Samuel 26:10

Wañucherga Tayta Diosmi wañuchenga. Man'chäga pillyachömi wañonga.

1 Samuel 31:4

Chaymi pasaypa mancharir yanapajninta niran: «Sabliquita jorgurcur tucsiramay juclla. Manami munächu juchasapacuna wañuycachimar cushicunanta.» Yanapajnenga Saulta tucsiyta mana munaranchu. Fiyupa manchacuran. Chaura Saulga quiquin sablinta jawircur jananman tunipaycuran.