Proverbios 24:12 - Tayta Diosninchi Isquirbichishan

¹² «Manami musyashcächu» niptiquipis pï imallata rurashanpitapis jusgaj Tayta Diosllami musyanga. Imano caycashayquitapis ricashöga llapan rurashayquitami ricaycäshunqui. Runacunataga rurashanmannömi llapanta cutichenga.

Proverbios 24:12 ပူးပေါင်းရင်းမြစ်များ

Job 34:11

Payga cada runatami cutichin imanöpis rurashanpita. Cada runami imata rurashanpitapis chasquin.

Salmos 121:3

Tayta Diosga manami camacächengachu mana alliman chayanayquita. Täpaycäshöga manami imaypis puñucangachu.

Salmos 121:8

Maypa aywaptiquipis Tayta Diosmi ricaycäshunqui cananpis imaypis.

Salmos 17:3

Gam musyaycanquimi imata yarpashallätapis. Chacaypami shamushcanqui musyapämänayquipaj. Juchäta ashirpis manami tarishcanquichu. Imatapis manami rimashcächu mana cumbënejtaga

Salmos 44:21

gamga musyanquimanmi caran llapan pacarajtapis ricaj caycashpayquega.

Salmos 62:12

Payllami munayniyoj y cuyacöga. Paymi cada runata cutichin rurashanman-tupu.

Salmos 66:9

Paymi canancamapis cawaycächimanchi. Manami ima mana allimanpis chayachimanchïrächu.

Salmos 7:9

Juchaynaj Tayta Dios, gamga musyaycanquimi runa imano yarpaycashantapis. ¡Fiyu runacunataga illgächiyna ari! ¡Juchaynaj runata ichanga yanapaycuy ari!

Salmos 94:9

Tayta Diosmi rurasha ñawinchïta rinrinchïtapis. Chauraga ¿imanirtaj mana wiyanmanchu, mana ricanmanchu?

Proverbios 12:14

Alli runaga shimillanpitami imatapis allita tarin. Imanöpis rurashan-tupumi pägataga chasquin.

Proverbios 16:2

Runataga llapan rurashancunapis alli-niräpunmi. Chaypis Tayta Diosrämi nin alli u mana alli yarpashancuna cashantapis.

Proverbios 21:2

Runapäga llapan rurashancunapis alli-niräpunmi. Chaypis Tayta Diosrämi nin alli u mana alli yarpashancuna cashantapis.

Proverbios 5:21

Imanölla runa cawashantapis Tayta Diosga ricaycanmi. Imanölla runa purishallantapis ricaycanmi.

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.

Eclesiastés 5:8

Juc nasyuncho pobri fiyupa ñacaycajta ricar, mana alli goyay cajta ricar ama manchariychu, ama almiraychu. Chaynöga caycan mandajcunata mas jatun mandaj chapaptinmi. Mas mandajcunatapis mas mandaj cajcunarämi chapaycan.

Jeremías 17:10

Nogami ichanga llapanpa shongun imano yarpaycashatapis musyä. Nogaga cada-ünuntami imanöpis cashanpita, imanöpis rurashanpita pägunta gö.»

Jeremías 32:19

Gam yarpashayquega mana atipaypämi. Llapan rurashayquicunapis fiyupa allimi. Gamga ricaycanquimi runacuna imata rurashantapis. Chaymi rurashanmanno cada-ünunta cutichinqui.

Lamentaciones 3:36

Tayta Diosga manami munanchu dimanducho juchayoj cajpa faburnin pipis cananta.

Daniel 5:23

Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

Mateo 16:27

Noga Destinädu Runaga anjilnëcunawanmi shamushaj Taytäpa munayninwan. Chaychömi llapan runacuna rurashanman-tupu premyunta chasquenga.

Hechos 17:28

Tayta Diospa maquinchömi cawanchi, purinchi. Chaymi yachaj marca-masiquipis niran: ‹Llapanchïpis pay camashallanmi canchi› nir.

Romanos 2:16

Chaura noga alli willacuyta willacuycashäga tantiyachimanchi llapan runacunata Jesucristuwan Tayta Dios jusgachinanpaj cashantami. Chay junäga runacuna pacayllapa yarpashantapis Tayta Dios jusgangami.

Romanos 2:6

Chay junäga juchata rurashanman-tupumi pitapis Tayta Diosninchi jusganga.

1 Corintios 4:5

Chaymi manaräpis timpu chayamuptenga ama pitapis jusgaychu. Tayta Jesucristo shamurnami llapanta jusganga. Paynami runa mana alli rurayta munashancunata y rurashancuna pacaraycajta y ima yarpashantapis jorgapanga. Chaychörämi imanöpis rurashanpita Tayta Diosninchi cada runata premyuta gonga.

2 Corintios 5:10

Llapanchïmi Jesucristupa ñaupanman chayashunpaj imano cawashanchïpitapis pay jusgamänanchïpaj. Chaychömi premyuta chasquishunpaj cay pachacho imano cawashanchïpitapis.

Apocalipsis 1:18

Nogaga imaypis cawaycämi. Wañuchimashanpita cawarimushcä imaycamapis cawanäpämi. Nogami charaycä wañushacunapa almancuna caycashan lläbita.

Apocalipsis 2:18

«Tiatira marcacho caycaj ermänucunata ricaj anjilpaj cay nishäcunata isquirbiy: Nogaga Tayta Diospa wamranmi cä. Ñawëpis ninanörämi achic-achicyaycan. Chaquëcunapis wayllasha runsinörämi achic-achicyaycan.

Apocalipsis 2:23

Paycunapa wamrancunatana gueshyachishaj wañuyman chayananpaj. Chayrämi yäracamajcunaga musyanga llapan runapa yarpayninta, shongunta noga musyashäta. Nogaga imanöpis rurashanpitami cada runata cutichishaj.

Apocalipsis 22:12

Jesucristupis nin: «Nogaga shamunäpänami caycä. Llapantami imatapis rurashanman-tupu premyunta goshaj.

1 Samuel 16:7

Ichanga Tayta Dios niran: «Ricaynillantaga tamäñullantaga ama cäsupaychu. Nogaga payta manami munächu. Runa ricashallanga manami allichu. Runaga rican janallantami. Nogami ichanga shongunta rejsë.»

1 Samuel 2:3

«Pipis ama alli-tucur rimachunchu. Pipis ama puydej-tucuchunchu. Tayta Diosga imatapis llapantami musyan. Payga rurashan-tupumi runata jusgan.

1 Samuel 2:6

Tayta Diosmi cawayta gomanchi, wañuymanpis chayachimanchi. Paymi wañushacuna caycashanman chayachimanchi. Chaypitapis cutichimanchi.

1 Samuel 25:29

Pï gaticachäshuptiquipis, pï wañuchiyta munashuptiquipis, gamtaga Tayta Diosmi ima-aycapitapis salbashunquipaj. Chiquinacushayquitaga paymi jitarengapaj waracawan rumita waracarejnöpis.